Jostailuak biltzeko kanpaina solidarioa egingo dute Abadiñon

Abadiñoko Udalak, herriko ikastetxeekin eta Sormening, Adarrak Sustar belaunaldiarteko programa sustatzen duen erakundearekin elkarlanean, egoera onean dauden jostailuak biltzeko kanpaina solidarioa egingo du azaroaren 26an eta 27an.

Bilketa guneak Traña-Matienako eta Zelaietako eskoletan eta haurreskoletan egongo dira, baita Traña-Matienako Bigarren Hezkuntzako Institutuan ere.

Udalak familia guztiak bultzatu nahi ditu egoera onean dauden jostailuak eramatera, herriko beste haur batzuek egun berezi horietan jostailuez gozatzeko aukera izan dezaten. Bildutako jostailu guztiak Elikagaien Bankuko erabiltzaileentzat eta egoera zaurgarrian dauden pertsonentzat izango dira, haur bakar bat ere ez dadin ilusiorik gabe geratu.

Kanpaina hau Sormeningek garatutako Adarrak Sustar belaunaldiarteko programaren barruan kokatzen da. Programa horren bitartez, institutuko gazteek eta adineko boluntarioek kartelen diseinuan, zabalkundean, antolaketan eta bilketan lagunduko dute. Partekatutako lan horrek, erantzunkidetasun komunitarioa indartzen du, eta elkartasuna, bizikidetza eta elkarlaguntza bezalako balioak transmititzen ditu.

Elikagaiak biltzeko kanpaina

Irribarre bakoitzak garrantzia duela azpimarratu du Udalak, eta nabarmendu du familien elkartasuna ezinbestekoa dela ekimen hau gehien behar dutenengana iristeko, haurrei partekatzeak duen garrantzia irakasteaz gain.

Bestalde, abenduaren 3an eta 4an elikagaiak biltzeko kanpaina egingo da Abadiñon. Udalak laster iragarriko ditu kanpaina horren inguruko xehetasunak. Gizarte Ongizate Sailetik, eskerrak eman nahi dizkie inplikatutako erakunde guztiei —ikastetxeak, Sormening, parte hartu duten gazteak, adineko boluntarioak eta familiak—, kanpaina solidario hau posible egiteko erakutsi duten konpromisoagatik, dedikazioagatik eta lankidetzagatik.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.