Eskualdeko bost bertsolari izango dira Bizkaiko Eskolarteko txapelketaren finalean

Elorrion jokatu zen Bizkaiko Eskolarteko Bertso Txapelketaren kanporaketa bat. (Argazkia: Bertsozale Elkartea)

2016ko Bizkaiko Eskolartekoaren finala datorren domekan, maiatzak 22, jokatuko da Getxoko Fadura kiroldegiko aretoan eta bertan lehiatuko diren zortzi bertsolarietatik bost eskualdekoak dira.

Domeka goizean izango den finalean, Durangoko Bertso Eskolako kideak diren Bittor eta Txaber Altube, Eneko Barruetabeña eta Gorka Pagonabarragarekin batera Berrizko Bertso Eskolako Iruri Altzerreka izango dira. Ekitaldia osatuko duten bertsolariak Algortako Bertso Eskolako Aritz Landeta eta Unai Mendiburu eta Lilibertso Bertso Eskolako Beñat Bilbao izango dira.

Eskualdeko ordezkariek jokatutako lau kanporaketetatik bi irabazi zituzten, Iruri Altzerreka eta Txaber Altube Elorrion eta Getxon jokatutakoatan garaile izan baitziren, hurrenez hurren. Deustuan eta Bermeon jokatutako beste bi saioetako irabazleak berriz, Landeta eta Mendiburu izan ziren.

Bittor Altube, Eneko Barruetabeña eta Gorka Pagonabarraga eta finala osatuko duen Beñat Bilbaok, puntuazioz lortu zuten finalerako txartela.

Getxoko finala

Getxoko Fadura kiroldegian jokatuko da datorren domekan, maiatzaren 22an, Eskolarteko finala. Saioa, Bizkaiko Bertsozale Elkarteak egun osorako prestatutako egitarauaren baitan jokatuko da.

Eguneko egitaraua goizeko 10.00etan izango den Bertso idatzien finalarekin hasiko da eta 11.30ean Bat-bateko Eskolartekoaren finala jokatuko da. 13.30ean sari-banaketa hasiko da eta ordu bete geroago bazkaria egongo da.

Arratsaldeko 16.00etan Bertso Eskolen tartea abiatuko da eta ondoren Bizkaiko Bertsolari Txapelketaren Udabarriko faseko azken kanporaketa jokatuko da.

Bizkaiko Bertsozale Elkarteak autobusak antolatu ditu Getxoko finalera joateko eta bidaiarako zen bazkarirako txartelak www.bertsosarrerak.eu webgunean daude eskuragai.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.