Ermun abiatu da Durangaldeko 300 argazki zahar biltzen dituen erakusketa

Gerediagaren 50. urteurrena ospatzeko egitarauaren barne, udazkena arte herriz-herri ibiliko den argazki zaharren erakusketa ibiltaria antolatu da. ‘Zuri-beltzean klik’ deituriko ekimen honen bidez, Durangaldeko 300dik gora argazki izango dira ikusgai.

Eskualdeko herrietara eramango den erakusketa Ermun abiatu da, herri horretan ospatzen ari den XXIII. Euskal Liburu eta Disko Azokarekin bat eginez. ‘Zuri-beltzean klik’ ekimena herriko liburutegian izango da ikusgai maiatzaren 22a arte.

Gerediaga elkartearen jardueran “argazkigintzak leku garrantzitsua izan du”, ekimen honen arduradunen esanetan. Bere ibilbidean argazki bildumak batu eta kontserbatzaz gain “erakusketak antolatu ditugu, edo eskualdeko argazkilariei buruz zein herrietako argazkiekin liburuxka monografikoak argitaratu ditugu”, batzuetan bakarrik eta beste batzuetan beste elkarte edo erakunde batzuekin elkarlanean.

‘Zuri-beltzean klik’ erakusketaren bidez argazkilariek egindako lana aitortu eta eskertu nahi dute Gerediagakoek eta, era berean, “euren argazkiak utziz proiektu ezberdinetan parte hartu duten artxibo pribatu eta publikoak ere eskertu nahi ditugu”.

Argazki bilketa

Erakusketa ibiltaria hau dela eta, Gerediagakoek argazki zaharrak biltzeari ekingo diote. Elkarteari utzitako argazki guztiak digitalizatu egingo dira Gerediagaren artxiboan kopia bat gordetzeko. Irudien jabeek berriz, originalez gain argazki bakoitzaren kopia digital bat jasoko dute.

‘Zuri-beltzean klik’ erakusketa ibiltariaren datak:

Maiatzak 7-22: Ermuko liburutegian

Maiatzak 22-29: Mallabiko liburutegian

Maiatzak 29-Ekainak 12: Zaldibarko udaletxean

Ekainak 12-15: Urkiolan

Ekainaren 15-22: Otxandioko udaletxean

Ekainak 22-uztailak 6: Berrizko udaletxean

Uztailak 6-20: Iurretako Kultur Etxean

Uda ostean: Elorrion, Abadiñon eta Durangon

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.