EH Bilduk Autzaganeko herri-lanen inguruko batzorde monografikoa eskatu du

Zornotzako EH Bilduk Autzaganeko herri-lanen inguruko batzorde monografikoa egitea eskatu du. Bizkaiko Aldundiak saihesbidearen lanak 2015eko udan amaitzea aurreikusten zuen baina talde jorren esanetan “argi dago eta hala egiaztatu daiteke emandako epea ez dela beteko”.

Lanen atzerapena kontuan hartuta, eta epea bukatzear dagoenez, galdera batzuk planteatu  zituen EH Bilduk, eta hauei erantzuteko irailerako gai honen inguruko batzorde monografikoa egitea eskatzen du.

Autzaganeko saihesbidearen lanak 2012ko uztailean hasi ziren, eta 63 milioiko inbertsioa aurreikusi zen. Hasiera baten, lanek 30 hilabeteko iraupena izango zutela aurreikusi zen,  baina EH Bilduko zinegotzia den Ander Uriartek esan zuenez “dakigun puntura arte, lanak geratuta ala uste baino askoz ere mantsoago doaz”.

“Errepidearen egokitzapena guztiz beharrezkoa ikusten genuen”, aitortu zuen Uriartek. Hala da guztiz, “beharrizan honetan neurrigabeko obra hontara alde ikaragarria dago. Ibilbidea garesti, zentzugabeko eta neurrigabekoa da. Tunela igarotzen den mendiko gehiengo akuiferoak, edota guztiak, baliogabetu egin dira”, adierazi zuen Uriartek.