Berrio-Otxoarenganako eraspendunen eta elorrixarren jaieguna ospatzen da gaur

Elorrixarrek eta santuarenganako eraspendunek ospatzen ari dira gaur Elorrion Balendin Berrio-Otxoa santuaren jaia, Bizkaiko zaindariaren jaia alegia, izendapen hori Loiolako Inaziorekin partekatzen badu ere.

Herritarrak eta kanpotar gutxi batzuk gerturatu dira gaur Elorriora, tarteko Meza nagusia eman duen Bizkaiko gotzaina den Mario Izeta. Elizkizunetara ez dute uko egin Berrio-Otxoa kofradiaren sortzaile eta bultzatzaileak diren José Maria Fernandez de Arroiabe alkate ohia, Elorrioko semea den José Antonio Ardanza lehendakari ohia edo Alberto Ruiz Capellán domingotar ohia.

Ospakizunetara etorritako ordezkaritza politikoa oso urria izan da Eusko Jarularitzari, Bizkaiko Aldundirk zein inguruetako alkateei dagokionez. Azken hauen artean, Mallabiko alkate berria den Igor Agirre elorrioko semea izan da ordezkari bakarra.

Gaur egungo Elorrioko udalbatza ia osoak egin du Udaletxetik parrokiarako bidea, herriko txistulariek ‘Alkate soinua’ jotako erritmora eta Idoia Buruaga alkatea buruan izan dela.

Berarekin batera, Ana Otadui Bizkaiko Batzar Nagusiko presidentea eta Elorrioko alkate ohia eta honen aurretik alkateak izandako Niko Moreno eta Agustin Asua ere jarraigoan izan dira. Aurten ere ospakizunetara gerturatu da Federico Andrés López de la Riva, gaur egun Madrilgo Udaleko idazkari nagusia dena eta hainbat urteetan Elorrioko Udaleko idazkaria izandakoa.