Atxondoko EAJk “esperientzia, ilusioa eta konpromisoa” batzen duen taldea osatu du

Atxondoko EAJ-PNVk “esperientzia, ilusioa eta konpromisoa batzen dituen talde anitza” osatu du maiatzaren 28an izango diren Udal hauteskundeetara aurkezteko, Atxondok “aurrera egiten jarraitzeko” helburuarekin. 

Alderdi jeltzalearen zerrendaburua izango den Pedro Leónek 59 urte ditu, eta gaur egun alkatea den Xabier Azkarateren lekukoa hartu nahi du “jeltzaleen proiektuak bere bidea” egin dezan. León zinegotzia izan zen hiru legegintzalditan eta berenganatutako esperientziaz gain “Udal honetan esperientzia handia duen talde baten buru” izango dela azaldu du.

Hauteskundeetara aurkeztuko den hautagaitzak, legegintzaldi honetan izan diren pertsonak izaten jarraituko du, hala nola, Maria Aranguez independentea, azken legegintzaldian Berdintasun karguan egon dena, eta Jose Luis Irazola.

“Hurbiltasunetik egindako zerrenda osatu dugu, kalean egon nahi dugu, atxondotarrei entzun. Azken lau urteotan erakutsi dugu aurkeztu zaizkigun erronka guztiei aurre egin ahal izan diegula, eta ez da erraza izan”, jeltzaleen esanetan.

Aurreko legegintzaldia pandemiak markatu zuenez “buruan izan genitzakeen proiektuen zati bat bigarren maila batera igaro da, auzokideen ongizatea izan baita une oro lehentasuna”. Horregatik, datozen lau urteetako lehentasuna “Urkuzu baserrian Kultur Etxea eraikitzea” izango da.

Atxondoko EAJ-PNVren zerrenda Udal Hauteskundeetarako: 

1.     Pedro José León Lozano

2.     Sabino Gamboa Jainaga

3.     Maria Aranguez Urizar (Independiente)

4.     José Luis Irazola Garaizabal (Independiente)

5.     Gorka Garate Zarandona

6.     Xabier Azkarate Arostegui

7.     Rosa María Aguirre Azcarate (Independiente)

8.     Maria Ezkarne Goienaga Muruaga

9.     Ricardo Uriarte Barinaga

10.  María Asunción Gorosabel Aranzabal (Independiente)

11.  Agueda Maria Aranzazu Campos Capelastegui (Independiente)

12.  Francisco Ortiz Crespo (Independiente)