Banner en desktop Banner en moviles
Amorebieta-Etxanoko Udala
Durangoko Udala
Gure Psikologia Durango
Maristak Durango

“Arbasoek Baltzolan ipini zuten biziaren abiapuntua”

RafaUgaldeBaltzolakoIpuinak
‘Baltzolako ipuinak’ liburuaren aleak sinatuko ditu bihar eguerdian Rafa Ugalde idazle zornotzarrak.

“Arratiako arbasoen artean zabalduta zegoen bizia Baltzolan hasi zela; euskaldunen bizia kobazuloetan sortu zenez, inguru horretan Baltzolan ipini zuten abiapuntua”. Aspaldiko esaera horri heldu zion Rafa Ugalde idazleak asmatu eta Ibaizabal argitaletxeak kaleratu duen ‘Baltzolako ipuinak’ lana gauzatzeko.

Liburuaren abiapuntua Dimako alkatea izan zen garaian jartzen du Ugaldek, sasoi hartan hartu-eman handia izan zuelako Baltzolan eta Axlorren egindako indusketetan ibili ziren Joxerra Aiartza eta Lydia Zapata ikertzaileekin.

Ikerketa haien harira kaleratutako argitalpentxo dibulgatiboak zirela eta, “horren inguruko ekarpena egin nezakeela” eta ipuintxoak pentsatzen hasi zen. “Pertsonaia bera den Amak, Amarik, Amaiak, Marik, Ama Lurrek sortu zuen dena eta imajinatzen hasi nintzen zelan sortu zituen eguzkia, ilargia, hodeiak, ibaiak…”. Animalien eta gizakien sorrera islatzeko berriz, Amarekin harremana izan zuen bertako beste pertsonaia mitologikoa den Sugoi baliatu zuen.

Ugaldek bi ataletan banatu du lan berria. “Alde baterik, ‘Sorreran’ agertzen diren ipuin labur-laburrak eta bigarren zatian, ‘Baltzolako seme-alabak’ izenburua duena, ipuin luzea edo nobela laburrarekin osatu dut”.

Nahiz eta ipuinak asmatutakoak diren, oinarri zientifikoa duten pasarteak tartekatu ditu idazleak. “Hemengo indusketetan silexa agertu da baina ez da bertakoa. Hemen ez dago silexik eta hemen topatu dena Barrika ingurukoa edo Gasteiztik haragokoa da. Bertako gizakiak neandertalak ziren eta horrek esan nahi du edo komertzioa edo garraioa zutela”.

Blas de Otero olerki saria

‘Baltzolako ipuinak’ obra Ugaldek argitaratutako bosgarren lana da. Aldez aurretik argitaratutako ‘Hamaika bizimodu’ (2003) eta ‘Gure gerretako heroiak’ (2006) errealitateari lotuta daude; ‘Relax’ (2007) liburu erotikoa ere benetako kasuetan oinarritzen da eta ‘Erreka’ (2011) nobela laburrean benetako pertsona baten inguruko fikzioa da.

Prosa izan bada aurreko lanen estiloa, poesia ere lantzen du ogibidez Zornotzako Udaleko Euskara teknikaria den idazleak; eta emaitza hobeezinekin gainera, Blas de Otero lehiaketaren azken deialdiko irabazlea izan zelako euskarazko modalitatean ‘Hondar aleak’ olerki sortarekin.

 

1 Estrella2 Estrellas3 Estrellas4 Estrellas5 Estrellas (1 votos, media: 5,00 sobre 5)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados