Aurpegi ezagunen topagunea

Durangoko Azokatik galtzea eta aurpegi ezagunekin topo egitea batera datoz. Euskal kulturaren plazatik pertsonaia ospetsuak aurkitzea ohitura bilakatu da. Jose Angel Iribarek, Dolores Redondok, edo Xabier Amurizak durangon.com-eri tartetxo bat egin diote.

Jose Angel Iribar buru-belarri ibili zen atzo goizean Durangoko Azokan, Joseba Mororen ‘San Mames historia eta memoria’ liburua sinatzen. Urtero hurreratzen dela dio Athleticeko jokalari ohiak.

Amaia Salazar detektibe eta Baztango trilogiariarekin ospetsua egin den Dolores Redondo idazlea, Durangora hurreratu da bigarren liburua, ‘Hezurren ondarea,’ aurkeztera. Donostiarrak arrakasta handia lortu du ‘Zaindari ikusezina’ nobelarekin, eta pelikula bat ere egingo dute honen inguruan.

Bernardo Atxaga Azokako jarraitzaile zintzoa da dudarik gabe. Bertara ekarri du ‘Nevadako egunak’ azken Durangaldeko ordezkariek ere ezinbesteko hitzordua dute Azokan euren lanak plazaratzeko.  Honen adibide, Xabier Amuriza da. Bertsolari eta idazleak ‘4×4 Operazioa” azken elaberria aurkeztu du Durangoko Azokan. Joan ziren zazpi eleberriko zikloko laugarrena da, eta historia kolektibo bat du ardatz: Gogor apaiz mugimenduarena. Derioko Seminarioan hilabeteko itxialdia egin zuten mugimendu horretako apaizek, Poliziak inguratuta.

Mikel Urdangarin abeslari zornotzarrak oso lanpetuta ibili da  ‘Jainko txiki eta jostalari hura’ aurkezten. Kirmen Uribe, Rafa Rueda, Bingen Mendizabal eta Mikel Valverde artistekin bildu da berriro ere ikuskizunari forma emateko.

Hirugarren eguna, gaur

Hirrugarren egunari eutsiko dio gaur Azokak. Aretoa Nagusian hainbat aurkezpen egingo dira. Adibidez, Jon Ander Ramos eta Roland Isoird, Berrizko alkateak, ‘Berrizko baserriak’ liburua aurkeztuko dute, 14.30ean.

Bizkaiko Bertsozale Elkartearen 30. urteurrena dela eta, ekitaldia eta bertso saio laburra eskainiko dute Asier Ibaibarriagak, Oihana Bartrak, Igor Elortzak eta Xabier Amurizak, 18.00etan.

Plateruenean, berriz, Urtz eta Kauta taldeek kontzertua eskainiko dute, 23.00etan. Urtz taldeak hamar urteko etenaren ostean, Durangoko Azokan eskainiko du itzulerako lehen kontzertua, ‘Astiro’ izeneko disko berriarekin. Ahotsenean, ordea, Eñaut Elorrietaren txanda izango da, 19.30ean. ‘Deserriko kantak’ aurkeztuko du zuzenean.

Lara Izagirre zornotzarrak ‘Sormenaren bide ezkutuak’ film laburra eskainiko du Irudienean, 14.00etan. Berarekin batera, Amaia Badiola eta Maialen Kaltzagorta eta Eider Etxebeste izango dira ‘Laburbira’ zikloan. Mireia Gabilondok, berriz, ‘Amaren eskuak’ filma aurkeztuko du bertan, arratsaldeko 18.00etan.

 DURANGON. Durangoko albisteak