Heuscara Ialgui adi mundura 1545-2025

Bernart Etxeparek 1545ean idatzi zuen Linguae vasconum primitiae euskaraz argitaratu zen lehen liburua. Euskara plazara, dantzara eta mundura atera nahi zuen Etxeparek. Aldarrikatzeko premia ikusi zuen, antza

480 urte geroago ere euskaldun euskaltzalek horretan dihardugu. Euskara plazara atera nahian, erabilera bultzatzeko ahaleginetan. Euskara dantzara hurbildu guran. Euskara mundura zabaldu guran. 

Etxepare bezala, Euskal wikilariok tematuta gabiltza euskara mundura jalgi dadin. Egunero jartzen dugu geure aletxoa euskarazko wikipedian. Wikilari guztion artean 476.000 artikulutik gora egin ditugu jadanik.

Euskal WikiEmakumeok ere geure ahalgintxoa egiten ari gara. Euskararen egunerako erronka jarria dugu. 12.000 emakumeren biografiatara heltzea da gure ametsa. Hortan ari gara; Oiartzun, Ondarroa, Lekeitio, Sestao, Artea, Beasain eta Durangoko wikilariok. Biografiak sortzen eta itzultzen. 

Egia esan bi helburu ditugu argi;  emakumeak bistaratzea eta euskara munduratzea. Motibazio bikoitz honek eraginda gogotsu gabiltza. Euskararen egunean gure lorpena ospatzeko ilusioz dihardugu. Ezina ekinez egina.

Marisa Barrena Larruzea
Wikilaria

Marisa Barrena psikopedagogoa da