Durangoko Plateruena Kafe Antzokia berriro irekitzeko helburuarekin lanean ari den ‘Plateruena eta gero zer?’ dinamikak, lan saio parte hartzailea egingo du otsailaren 27an, goizeko 10:30ean hasita, Zabalarra ikastetxean.

‘Plateruena eta gero zer?’ dinamika bultzatzen duten kideek “Durangoko kultur eragile, kolektibo eta  norbanakoekin” batzen jarraitu nahi dutela adierazi dute “herri diagnostiko kolektiboa  egiteko helburuagaz”.

Bilera, hasieran, hilabete honetako 6rako iragarrita zegoen, baina dinamika horren eragileek atzeratzea erabaki zuten “osasun krisialdiaren larritasuna ikusita”. Horregatik 27an egingo den lan saioan, “osasun krisialdian ezarritako neurriak” beteko direla adierazi dute antolatzaileek.

La entrada ‘Plateruena eta gero zer?’ dinamikaren lan saio parte hartzailea egingo da otsailaren 27an se publicó primero en durangon.com.

Bideoaren ardatz nagusia Miren Amuriza bertsolarien hitzekin Txapito Guzman eta Ibarrako Langostinuek taldeak egindako katua da. Bideoaren ekoizpenaz berriz, Zirriborro arduratu da.

Berton Bertoko ekimenak Durangoko Zabalarra eta Landako, Iurretako Maiztegi eta Juan Orobiogoitia, Abadiñoko Traña-Matiena eta Zelaieta eta Atxondo, Berriz, Elorrio eta Zaldibarko guraso, guraso elkarte eta eskola kontseiluak biltzen ditu.

Ekimen honetara eskualdeko hainbat ekoizle eta jatetxe, kirolari, bertsolariak, hezkuntza eragile, sindikatu eta eskualdean ordezkaritza duten alderdi politiko guztiek atxikitu dira.

La entrada Eskualdeko eskoletan bertoko eta sasoiko janaria aldarrikatzen duen bideo aurkeztu dute se publicó primero en durangon.com.

Guraso elkarteetako kideek eta ordezkari politikoek bat egin zuten Berton Bertokoa ekimenaren inguruan.

Durangaldeko bederatzi ikastetxe publikoetako guraso elkarteak biltzen dituen Berton Bertokoa ekimenak, hiru eskaera dituen idatzia erregistratu du Eusko Jaurlaritzaren Hezkuntza sailean. Egindako eskarien artean, sukaldea ez daukaten lau eskolatan zerbitzu hori jartzea nabarmentzen da.

Gaur egun, Durangoko Zabalarra ikastetxean, Zaldibar eta Atxondoko eskoletan eta Iurretako Juan Orobiogoitia institutuan ez dute sukalde azpiegiturarik eta erregistratutako eskariarekin egoera hori aldatu nahi dute. Horrekin, janaria eskolan bertan sukaldatzeko aukera izatea aldarrikatzen dute, Berton Bertokoaren manifestuan agertzen den moduan.

Hezkuntza sailari emandako idatzian manifestuan agertzen den beste eskakizun bat ere egin dute, “Durangaldeko ikastetxe publikoetan bertako eta sasoiko produktuak sukaldatuak izan ahal izateko proiektu bat onartu dezala”, Berton Bertokoa ekimenaren eragileen esanetan.

Jangelen batzordea

Bi eskakizun horiek jorratzeko helburuarekin “bilera bat eskatu diogu Hezkuntza sailari”. Idatzian tartekatutako hirugarren eskariaren helburua  berriz, “abenduan Legebiltzarrean jangelen gaia lantzeko sortu zen batzordean parte hartzea”, eskatzen dute.

Berton Bertokoa ekimena sustatzen duten gurasoek, bestalde, Eurest eta Ausolan catering enpresekin bilera bana egin zuten, Urkiola Landa Garapena erakundeak gonbidatuta. Bertan, zuzenean luzatu zizkieten eskoletako guraso elkarteen eskariak, tarteko, Aste Santutik eta ikasturte amaiera arte Berton Bertokoa ekimenera atxikitako eskoletan “gutxienez astean behin bertoko eta sasoiko produktuak izatea”.

Bideo aurkezpena

Bestalde, Berton Bertokoa ekimenak ekoiztutako bideoklipa aurkeztuko da datorren eguenean Zaldibarko eskolan. Emanaldia arratsaldeko 18.00etan izango da.

La entrada Eskualdeko lau eskolatan sukaldea jartzea eskatu dio Hezkuntza sailari Berton Bertokoa ekimenak se publicó primero en durangon.com.