Anboto mendia da Zaldibarko ‘Mendiz mendi 2018’ erronkan aukeratutako mendietako bat.

Zaldibarko Udalak mendizaletasuna bultzatzeko eta Euskal Herriko zein Pirinioetako mendiak ezagutzeko helburua duen ‘Zaldibar Mendiz mendi 2018’ ekimena antolatu du. Haurrei, gazteei zein helduei zuzendutako ekimena 11 hilabetez luzatuko da, urtarriletik azarora arte.

‘Zaldibar Mendiz mendi 2018’ erronka lehiaketaz haratago dagoen ekimena da eta adin tarte guztietako zaleentzat prestatu dute.  O eta 12 urteko haur eta gaztetxoek ‘buzoia’ duten bost mendi igo behar dituzte; 13 eta 18 urte bitarteko gazteek gutxienez hiru herrialdetako bost mendiren gailurrera iritsi behar dira eta 18 urtetik gorakoek gutxienez bost herrialdetako hamar menditara igo behar dira.

Erronkak iraungo duen 11 hilabeteetan, zerrenda bateko 28 mendi igotzeko aukera izango dute parte hartzaileek. Bizkaian aukeratutako mendiak Gorbeia (1.482 metro), Anboto (1.331), Ganekogorta (999), Alluitz (1.034), Mugarra (969) eta Kolitza (883) dira eta Gipuzkoakoak berriz Ernio (1.078), Txindoki (1.342), Erlo (1.030), Aizkorri (1.523), Udalaitz (1.120) eta Adarra (819) aukeratu dituzte.

Araban aukeratutako mendiak Aratz (1.445), Joar (1.417) Oriol (1.132) eta Cruz del Castillo (1.431) dira; Nafarroan, Beriain (1.493), Saioa (1.418), Hiru Erregeen Mahaia (2.446) eta Arlas (2.043) eta Iparraldean, Otsogorrigaina (1.920), Orhi (2.019), Larrun (900) eta Iparla (1.049) dira.

Pirinioetan aukeratutako tontorrak, Taillón (3.144), Monte Perdido (3.348), Posets (3.369) eta Auñamendi (2.504) mendiak dira.

Ekimen honetan parte hartzen dutenek, izena, abizenak , adina, herria eta telefono zenbakia bidali behar dute kultura@zaldibar.eus helbidera. Ondoren, mendia igotzen den bakoitzean tontorrean egindako argazkia bidali behar dute helbide berera. Egindako tontor denen argazkiak batera bidali daitezke.

Erronka bukatzea lortzen duten guztiek, sari bat jasoko dute abenduan.

La entrada Mendizaletasuna bultzatzeko erronka bota du Zaldibarko Udalak se publicó primero en durangon.com.

Iurretako Zaldai Mendi Taldeak 2017ko mendi erronka aukeratu du: “gutxienez bost herrialdetako hamar mendi igo beharko dituzte” 18 urtetik gorako mendizaleek eta “guztienez hiru herrialdetako bost mendi tontorrera heldu beharko dira” adin txikikoek.

Ekimen honen helburua, “lehiaketaz haratago, mendizaletasuna bultzatzea eta bide batez Euskal Herriko zein Pirinioetako mendi desberdinak ezagutzea” da.

Erronka honetan parte hartu nahi dutenek, antolatzaileek prestatutako zerrenda bateko Euskal Herriko zein Pirinioetako mendi kopurua igo beharko dute gutxienez bederatzi hilabeteren tartean, martxoaren 1etik azaroaren 30era arte hain zuzen. Egun bakoitzean “mendi tontor bakarra igo ahalko da soilik”.

Parte hartu nahi dutenek izena eman behar dute aldez aurretik zaladai@hotmail.com helbide elektronikoan, izena, abizenak, adina eta herria aipatuz. Izena eman ondoren Zaldaiko Mendi Tontorretako txartelak jasoko ditu partaide bakoitzak “sinbolikoki bada ere lehiaketaz haratago txartelen erabilera sustatzeko”.

Mendi bakoitzeko tontorrean argazkia egin behar da eta igoera bakoitzaren ostean zein guztiak igo ondoren, irudiak bidali behar dira e-postara horretara edo facebookean argitaratu #zaldaimendierronka2017 hitzarekin.

Erronka bukatzea lortzen duten guztiek sari bana jasoko dute abenduan ospatuko den I. Mendi Astearen barruan.

Erronkarako aukeratutako mendiak

Bizkaia: Anboto (1331 metro), Lekanda (1309), Iturrigorri (1073), Alluitz (1034) eta Gallanda (534).

Gipuzkoa: Aitxuri (1551 metro), Ganboa (1413), Txindoki (1342), Balerdi (1193) eta Hernio (1078).

Araba: Aratz (1445 metro), San Tirso (1431), Peña del Castillo (1309), Toloño (1277) eta Eskutxi (1185).

Nafarroa: Hiru Errege Mahaia (2446), Arlas (2043), Kartxela (1979), Beriain (1493) eta Saioa (1418).

Ipar Euskal Herria: Orhi (2019 metro), Otsogorrigaina (1920), Binbaleta (1757), Iparla (1049) eta Larhun (900).

Pirinioak: Aneto (3404), Monte Perdido (3348), Maladeta (3312), Vignemale (3299) eta Tallon (3144).

La entrada Zaldai Mendi Taldeak bost probintzietako 10 mendi igotzean jartzen du aurtengo erronka se publicó primero en durangon.com.