Mendiolan joko du gaur Drug Rockets talde nafarrak.

San Kristobal jaiak ospatuko dituzte gaurtik domekara bitartean Abadiñoko Mendiola auzoan eta prestatutako egitarauan musika ekitaldiak, argazki eta kotxe erakusketak eta artzain txakurren txapelketa tartekatuko dira, besteak beste.

Ekitaldiak arratsaldeko 18.00etan hasiko dira txopue altxaketarekin eta 20.30ean izango den berakatz-zopa dastaketarekin. Gaueko 22.00etan hasita Drug Rockets, Niña Coyote eta Chico Tornado, Riff Truckers eta Txapito Guzman & Ibarrako Langostinuek taldeen kontzertuak izango dira.

Goizeko 11.30etatik aurrera ikusgai egongo den Mendiolako baserrien argazki erakusketarekin hasiko dira biharko ekitaldiak. Eguerdian meza emango da eta goizeko ekitaldiak osotzeko kotxe erakusketa eta herri bazkaria egongo dira.

Arratsaldeko ekitaldiak umeen jolasekin hasiko dira eta 18.00etan artzai txakur txapelketari ekingo diote. 19.30ean tortilla txapelketaren txanda izango da eta gaueko 22.00etatik aurrera Luhartz taldeak girotutako erromeria eta bolo txapelketa egongo dira. Goizaldean txokolatea bizkotxoarekin banatuko da.

Dantzariek 12.30ean eskainiko duten saioarekin abiatuko da domekarako prestatutako egitaraua eta saio horren amaieran ogia, gazta eta ardo dastaketa eta ugasixo txapelketa egongo dira. Arratsaldeko 20.30ean Mariachi Amatitán taldearen agerraldiarekin eta ondoren izango diren donien-atxa botatzearekin eta errifaren zozketarekin amaituko dira aurtengo ospakizunak.

La entrada Musika kontzertuekin hasiko dituzte gaur Mendiola auzoko San Kristobal jaiak se publicó primero en durangon.com.