Trebeak eta Trebeak Gazteak eskuratu zituzten Sukalki Eguneko lehen bi sariak.

Elorriarrek gogotsu ekin bazioten barikuan Ferixa Nausikoetako errepikapen asteburuari Ken Zazpik eskainitako kontzertuarekin, jairako gogoa ia itotzea lortu zuten zapatuan etengabe botatako euri zaparradek.

Eguraldi txarra iragarrita zegoen arren, umore eta gogo onekin bildu ziren koadrilak Aldatsekuako lorategian eguneko lehen hitzorduan: Sukalki Eguna. Hala ere, partaidetza nabarmen jaitsi zen eta aurten 71 koadrila izan ziren lehiaketan, iaz baino 21 gutxiago.

Leioa, Galdakao eta Gamarrako ostalaritza eskolako irakasleek zein Elorriko zenbait sukaldarik osatutako epaimahaikoen arabera, “aurten aurkeztutako gisatuen kalitatea nabarmen jaitsi da. Euritik babesteko karpa baten azpian kozinatzea ez da batere atsegina eta hori nabaritu dugu”.

Hala ere, aurtengo irabazleak iazko berberak izan dira: Trebeak koadrila. Txapeldunek, gainera, erreleboa ziurtatuta dute bigarren postua Trebeak Gazteak lortu baitzuten. Sailkapenekeko irugarrenak berriz, Mamie-koek izan ziren.

Bazkalosterako iragarritako karrozen jaitsierak Aldatsekuatik plazarako bidea egitea lortu zuen. Azken karroza plazara sartu eta berehala botatako zaparradak koadrilen sakabanaketa eragin eta ordura arte gainezka zegoen plaza hustea lortu zuen.

Elkartasun eguna

Eguraldia desatsegina izan arren herritarrek erdiguneko tabernak eta aterpeak baliatu zituzten parrandarekin jarraitzeko asmoarekin.

Domekako Elkartasun Eguna elizpean egin zen, herritar ugari gerturatu zela jatorri desberdinetako jakiak eta edariak dastatzera. Kainabera GKEk antolatutako ekimen solidarioak kolorez eta usain erakargarriez bete zituen inguruak.

[ess_grid alias=”FerixaNausikoak2017-2″]

La entrada Zapatutan etengabe botatako<br />euri zaparradek ilundu zuten <br />Ferixa Nausikoen amaiera se publicó primero en durangon.com.