Umeen danborrada izango da aurten ere Maiatzaren 1ean San Roke auzoan.

Durangoko Herria auzo elkarteak Maiatzaren 1a ospatuko du arten ere, egun horretarako zein bezperarako prestatutako ekitaldiekin. Egitarauan ez dira faltako umeen danborrada, auto klasikoen kontzentrazioa edo Iñaki ‘Okly’ gogoratuko duen martxa zikloturista.

Herria tabernaren aurrealdean goizko 10:30ean irekiko den auto klasikoen erakusketarekin hasiko dira asteleheneko ekitaldiak. Ordu bete geroago partaideen ibilbidea abiatuko da eta eguerdi aldera luntxa egongo da.

Arratsaldeko 18:30ean Ibon Magoak gaztetxoei zein helduei eskainitako magia saioa hasiko da eta 20:00etan Belle&Blue taldearen musika emanaldia emango du.

Maiatzaren 1erako prestatutako egitaraua goizeko 10:00etan abiatuko den kalejira eta piztuko diren txapliguekin abiatuko da. 11:00etan, 11 urtez azpiko gaztetxoentzat prestatutako txirrindulari martxa irtengo da. Ordu erdi geroago VIII. Iñaki ‘Okly’ memorialaren txanda izango da eta kasu honetan 12 urtetik gorako txirrindulariek parte hartuko dute.

Goizean zehar gaztelu puzgarriak jarriko dira umeentzat eta 12:30ean Kriskitin dantza taldearen ekitaldia hasiko da.

Tabira Musika Bandaren laguntzarekin egingo den umeen danborrada arratsaldeko 17:00etan hasiko da eta aurtengo egitaraua osatzeko tute eta txantxiku txapelketak jokatuko dira.

La entrada Danborrada eta auto klasikoen kontzentrazioa izango dira <br />San Roke auzoko Maiatzaren 1an se publicó primero en durangon.com.