Iurretako Amatza auzoak San Martin jaiak ospatuko ditu asteburuan eta prestatutako egitarauan bihar iluntzean egongo den Trikitixa Jaialdia izango da ekitaldirik aipagarriena. Ospakizunak 18:00etan hasiko dira Donien Atxa altxatuta eta dantzarien ekitaldiarekin.

Joera eta osakera desberdineko sei talde bilduko dituen Trikitixa Jaialdia arratsaldeko 19:00etan hasiko da. Bata bestearen jarraian, agertokian azalduko dira Leonen orroak, Agurtzane eta Ion Elustondo; Imanol Arrola, Julen Begoña, Susana Gomez eta Jon Ander Azkue; Irati Gutierrez eta Amets Ormaetxea; Gorka Valdés eta Mikel Elizaran; eta Iñaki Plaza eta Alex Gómez.

Eguneko egitaraua afari herrikoiarekin osatuko da.

Domekan egingo den tortilla txapelketa 20:30ean hasiko da eta jarraian egongo den afariaren ostean, Txapito Guzman eta Ibarrako Langostinuek taldearen ekitaldia hasiko da.

Asteleheneko ekitaldiak 10:30etako trikitilarien kalejirarekin abiatuko dira. 12:00etan meza nagusia emango da eta jarraian auzoko dantzarien ekitaldia eta luntxa egongo dira. Bazkari herrikoiarekin eta bazkalosteko karta lehiaketarekin eta umeendako jolasekin osotuko dute egitaraua.

La entrada Sei trikiti talde arituko dira bihar Amatzako San Martin jaietan se publicó primero en durangon.com.