Garaiko Momoitio auzoan San Juan jaiak ospatuko dituzte bihartik domekara, eta ohiko suaz gain, bestelako ekitaldiak ere izango dira.

Barikuan, 20:30ean, altxatuko duten Donien Atxarekin hasiko dira ospakizunak, eta ordu bete geroago afaria izango da. Afalostean, San Juan sua piztuko dute eta ondoren erromeria egongo da Laja II eta Lutxurdioren eskutik.

Zapatuan ospatzen den San Juan egunean meza izango da 11:30ean, eta jarraian hamaiketakoa izango dute bertaratzen direnek.

Aurtengo ospakizunak domekan amaituko dira eta 10:30ean meza emango da, eta horren ondoren dantzarien ekitaldia eta igel-jokoaren txapelketa izango da bertakoentzat. 14:30ean egingo den oilasko paella txapelketarekin osotuko da egitaraua.

La entrada Garaiko Momoition San Juan jaiak ospatuko dituzte bihartik domekara se publicó primero en durangon.com.

e Astolako auzitegi-etxean amaituko da Gerediaga elkarteak prestatutako ibilbidea.

Gerediaga Elkarteak Merinalde Eguna ospatuko du zapatuan eta aurten, nobedade moduan, eskualdeko egitura politikoa ezagutzeko aukera eskainiko duen oinezko ibilbidea prestatu du.

Joanaldi horrekin Durangoko Merinaldeak bere erakunde propioak izan zituela gogoratuko da, 1876. urtean deuseztatutako foruak iraun zuten arte, hain zuzen. Eskualdeko historiari zabalkundea emateko asmoarekin, lau geldiune izango dituen bisitaldia antolatu da: bi Garain, bestea Gerediagako foru zelaian eta azkena Astolako auzitegi-etxean.

Eskualdeko egitura sozio-politikoa ulertzeko aukera emango duen ibilbidea Garaiko San Juan Momoition abiatuko da. Leku horretan lehenengo mailako egitura sozio-politikoa ulertzeko aukera egongo da; kofradien egiturak, sorrerak eta funtzioak ezagutu ahal izango baitira.

Bigarren geldialdia, hurrengo egitura mailaren adibidea eskaintzen duen Garaiko udaletxean egingo da. Izan ere, kofradiak batuz elizateak sortu ziren. Udaletxera egingo den bisitaldian txuzoa, bandera eta eserleku zaharrak ikusteko aukera izango dute bertaratzen direnek.

Gerediaga eta Astola

Eskualdeari zegozkien erabakian hartzen ziren Gerediagako foru-zelaian egingo da hirugarren geldialdia. Leku hori Durangaldeak izan zuen antolaketa politikoaren erdigunea da eta bertan egiten ziren batzarretan jesarlekua zuten Merinaldeko elizateetako ordezkariek.

Azken geldialdia Astolako auzitegi-etxean egingo da. Korrejidorearen etxea izan zen lekua, hau da, merinaldearen administrazio gorena. Kartzela ere bertan zegoen eta oraindik ere ikusi daiteke orduko ziega bat zelakoa zen.

Gidatutako ibilbidea oinez egingo da goizeko 9:0etan  San Juan Momoitiotik abiatuta. Leku horretara kotxez igo nahi dutenek Astolan dute hitzordua goizeko 8:30ean.

Gerediaga elkarteak antolatutako ekimen honek “eskualdearen historian garrantzitsua izan zen egitura bereziaren zabalkundeari” jarraipena ematen dio. Izan ere, Merioaren ibilbideak antolaketa eredua eta bere historia erakusten du eta zapatuan egingo den joanaldiak ibilbidearen alde instituzionalena erakutsiko du.

La entrada Merinalde Eguna ospatuko du Gerediaga elkarteak zapatuan egingo den ibilaldi gidatuarekin se publicó primero en durangon.com.