‘Euskaraz Nahiago’ leloa duten kamisetak jantziko dituzte aisialdiko begiraleak.

Berrizko Udalak euskararen erabilera bultzatzeko kanpaina bi jarri ditu martxan ikasturte berriaren hasierarekin batera. Alde batetik ‘Euskaraz nahiago’ kamisetak eta ‘Euskara ikastetik, euskaraz bizitzera’ gida banatu ditu guraso elkartearekin elkarlanean, eta bestetik administrazioarekin euskaraz hitz egiteko gonbidapena luzatzen duen ‘’Bai, esan?’ kanpaina hasi du.

Guraso elkartearekin burututako lehenengo ekimenen bidez ‘Euskaraz nahiago’ leloa duten kamisetak banatu dira eskolaz kanpoko begiraleen artean. Horrekin batera aholku edo proposamenak eskaintzen dituen ‘Euskara ikastetik, euskaraz bizitzera’ gida banatu da.

Bi ekimenen helburua, haurrek euskara gustuko egoerekin eta bizipen positiboekin lotzea da, bestela, eskola orduekin soilik identifikatuko baitute. “Egunerokotasunean euskara entzun eta erabiltzen badute, bizipenak euskaraz  izango dituzte”, adierazi dute kanpainaren eragileak.

Izan ere, hezitzaileek asko lagun diezaiekete bizipenak eureganatzen eta kirolean, aisian zein  kultura jardueretan euskaraz gozatzen.

‘Bai, esan?’

Udalak martxan jarri duen ‘Bai, esan?’ kanpainaren bidez, Berrizko Udalak gonbitea luzatzen die herritarrei Udalarekin euskaraz egiteko. Udaletxean banatutako diptikoaren bidez, eskabideak egitean, telefonotik deitzean, udalak eskainitako ikastaroetan edo batzar batean parte hartzen denean euskara egiteko gonbidapena egiten da. Hau da, udaletxeko bulegoetan ez ezik, Kultur Etxean, Kiroldegian, Ikastetxeetan zein Osasun Zentroan ere.

Gainera, onartu berri den erabilera planean batzen denez, Udalaren esparru guztietan euskara zerbitzu hizkuntza izango dela bermatzen da; beste administrazioekiko harreman hizkuntza, ahoz zein idatziz, euskara izatea bideragarria lehenesten da; edo euskara Berrizko Udaleko lan hizkuntza izateko ahalbidetuko dela, progresibotasunez eta etengabe.

La entrada Euskararen erabilerako bultzatzeko helburua duten kanpaina bi jarri ditu martxan Berrizko Udalak se publicó primero en durangon.com.