‘Urte askotarako!’ goiburuarekin ospatuko du Doinuzaharrek bere urtemuga.

Durangoko Doinuzahar Kamera Abesbatzak kontzertu berezia emango du zapatuan Santa Ana elizan, taldearen 35. urteurrena ospatzeko. Iluntzeko 20:15ean hasiko den agerraldirako ezohiko errepertorioaz gain, hainbat musikagileren partaidetza izango du.

‘Urte askotarako!’ lemapean burutuko den ekitaldian, Doinuzahar proiektuan  parte hartu eta laguntza eskaini dioten musikagile profesionalak izango dira, batzuk Durangokoak bertakoak. Kantariekin batera, Maitane Abasolo izango da pianoarekin; Roberto Toledo klabikordioarekin; Jon Goiri biolontxeloarekin; Patxi Azurmendi biolinarekin; Ander Ertzilla saxoarekin eta Juan Carlos López klarinetearekin.

1982an sortu zen Doinuzahar Kamara Abesbatzak, Errenazimentuko polifonia bereziki landu bazuen ere, urteen joanarekin, bere errepertorioa abestalde-musika barrokora, garaikidera eta folklorikora zabaldu du. 1985etik 2014ra arte José Luis Ormazabal aritu da zuzendari lanetan eta bere lekua gaur egun zuzendaria duen Laura Nardi irakasleak hartu zuen bere gain.

La entrada Doinuzahar taldeak Santa Anan eskainiko duen kontzertuarekin ospatuko du 35. urteurrena se publicó primero en durangon.com.