Udaltzaingoaren autoa izan zen kiroldegiko aparkalekuan erasotuetako bat.

Elorrioko Udaleko Bozeramailearen Bilerak “aho batez” adostutako adierazpen bateratua kaleratu du, larunbat goizaldean kiroldegiko aparkalekuan zeuden zenbat ibilgailuren kontrako erasoaldia dela eta.

ADIERAZPEN BATERATUA

Larunbat goizaldean, kiroldegi azpian kokatuta dagoen aparkalekuan udalaren jabegoko bi auto eta udaltzain baten auto partikularra erasotu zituzten, kalte nabarmenak sortuz.

Gertakari hauek guztiz salagarriak direla adierazi nahi dugu. Herritarren batek Udalarekiko edo udal langileekiko kexak balitu, udalak baditu kexa eta haserre horiek udaletxeak adierazteko bideak.

Horrelako jarrera eta ekintzak tokiz kanpo daude Elorrion, ekonomikoki herritar guztionagan eragindako kalteaz gain ez dutelako udalaren zerbitzuak hobetzea ahalbidetzen.

Honegatik guztiagatik, gertaera hauek salatu nahi ditugu eta bide batez, udaltzaingoari eta bere autoa kaltetu dioten udaltzainari bereziki gure elkartasun osoa adierazi nahi diegu.

La entrada Larunbateko erasoaldiak “guztiz salagarriak” direla adostu du Elorrioko Bozeramailearen Bilerak se publicó primero en durangon.com.