Iaz bezala, herri kiroletako jardunaldia ospatuko da bihar, apirilaren 27an, Berrizko Olakueta plazan. Bertan, urrezko aizkolarien banakako txapelketa, urrezko binakako harrijasotze txapelketa eta emakumeen trontza txapelketa txapelketak jokatuko dira.

Urrezko aizkolarien banakako txapelketa eguerdiko 12:45ean hasiko da sei parte hartzailerekin: Juanjo Lopez Azpilikueta, Joxean Etxeberria, Eneko Saralegi, Xabier Zaldua, Jesus Mª Mujika eta Julen Alberdi ‘Txikia IV’. 30 enbor zatitu beharko diztuzte eta lehenengo biak sailkatuko dira.

Urrezko harrijasotze binakako txapelketa Aritz Galarraga eta Iñigo Eizagirrek jokatuko dute. Txapelketako harriak 100 kilo eta 100 metro kubikoko bolak eta 125 kiloko laukizuzenak izango dira.

Bestalde, Berrizko Udalaren IV. Berdintasun Planarekin jarraituz, emakumeek ere parte hartuko dute ekitaldi honetako trontza txapelketan. Karmele Gisasola ‘Zelai III’ eta Uxue Ansorregi harrijasotzaileak, Itxaso Onsalo eta Nerea Astiazaranen aurka lehiatuko dira.

Eguraldi txarra egiten badu frontoian ospatuko da jardunaldia.

La entrada Herri kiroletako jardunaldia ospatuko da bihar Berrizen se publicó primero en durangon.com.

Erregenak ospatuko dituzte asteburuan Elorrioko Gazeta auzoan eta aurtengo egitarauan Luhartz taldearen erromeria eta Aitzol Atuxa aizkolariaren ekitaldia nabarmenduko dira.

Gabon zahar bezperan auzoa apaindu eta txopo sartzeari ekin ondoren, barikuan emango zaie hasiera ospakizunei, iluntzeko zortzietatik aurrera emango diren afariekin eta gaueko 22:30etatik aurrera Luhartz taldeak girotuko duen erromeriarekin. Gau-erdian, berakatz-zopa eta txokolatea egongo da bertaratzen direnentzat.

Erregeen eguna ospatuko dute zapatuan eta goizeko 11:30ean hasiko den meza-ospakizuna amaitu ondoren, Besaide Dantza Taldearen ekitaldia egongo da. Egun guztian trikitilariak girotuko dute auzoa.

Eguerdiko 12:30etatik aurrera, Urrezko binakako aizkolari txapelketa ‘Eusko Label Saria’ren jardunaldi berri bat jokatuko da eta bertan egungo bakarkako Euskal Herriko Txapelduna den Aitzol Atutxa izango da protagonistetako bat. Azken lau urtetan Euskal Herriko txapela jantzi duen Atutxa II.a dimoztarra Julen Alberdi Txikia IV.a azkoitiarrarekin batera lehiatuko da Jon Irazu zizurkildarra eta Xabier Zaldua zumarragarraren kontra.

Emakume Banakako Txapelketa

Saio berean Urrezko Aizkolari Emakume Banakako Txapelketaren jardunaldia ere lehiatuko da eta norgehiagokan Irati Astondoa zeanuritarra eta Nerea Sorondo beratarrak neurtuko dituzte indarrak. Herri-kirolen ekitaldia borobiltzako  Urrezko Harrijasotze txapelketaren saioa burutuko du Aimar Galarraga oriotarrak.

Ospakizunak domekan jarraituko dute goizeko 10: 00etan Intxortarantz abiatuko den igoerarekin eta parte hartzaileek salda eta txorizoarekin berreskuratuko dituzte indarrak. 11:30ean meza-ospakizuna egongo da eta 12:30ean Gazetako XLIV. Briska txapelketa hasiko da.

Aurtengo Erregeen jaiak hurrengo barikuan, hilak 12an, iluntzeko 20:30etan hasita egongo den XLIV. Mus-tute txapelketarekin eta hurrengo egunean egingo den auzo-afariarekin eta erromeriarekin osatuko dira.

La entrada Aitzol Atutxa aizkolaria eta Luhartz taldearen erromeria nabarmenduko dira Gazetako Erregenetan se publicó primero en durangon.com.