Zornotzako Udalak ohitura bilakatu duen egutegi banaketa egiten ari da Gabon egun hauetan. 2017ko egutegia Imanol Aragon argazkilari zornotzarren irudiekin hornituta dago eta aleak Zelaieta Zentroko harreran daude eskuragarri, hauek bukatu arte.

‘Amorebieta-Etxano Egunero ikusten zaitudalako’ izenpean aurkezten da egutegia. Zornotzako hainbat paisaje eder agertzen dira, batzuk xehetasunean eta beste batzuk orokortasunean.

Hilabete bakoitzean ere, argazkiarekin loturiko testu txiki bat azaltzen da. “Egunerokotasunak osatzen du gure bizitza eta oharkabean doazkigu, sarri askotan, gehien maite ditugunen eta sakonen maite gaituztenen xehetasunak, uneak, txikitasunak”, gogoratzen digu egutegiak.

La entrada Imanol Aragon argazkilariaren irudiek hornitzen dute 2017ko Zornotzako egutegia se publicó primero en durangon.com.