Abadiñoko EH Bilduk udalak dituen kirol instalazioen “kudeaketa eraginkorragoa” eskatu dio Gobernu taldeari. Izan ere, igerilekuak itxita egoteaz gain, “Matienako frontoia itxita dago uda guztian zehar, arratsaldeko 5ak arte”, ezker abertzaleko koalizio zinegotzien esanetan.

Uda garaiak aukera bikaina eskaintzen du “frontoira joan eta kirola egiteko”, eta horregatik ez dute ulertzen aurreko udetan egun guztian irekita egon den instalazioa itxita egotea.

Udal agintariek emandako azalpenaren arabera, eraikinean “mahai-teniseko materiala dagoela eta babes neurri bezala frontoia itxita” eduki behar dela. Hala ere, EH Bilduko zinegotziek gogoratu dutenez, “bi urte daramatzagu eskatzen mahai horiek babesteko”, kaiola edo estruktura seguru bat jarriz.

“Aurten gainera, ikusita holakorik egin ez dutela, uda sasoian udal biltegian gordetzea proposatu genuen. Baina ez dute ezer egin. Atea itxi eta arazoa konponduta”, salatu dute.

La entrada Abadiñoko kirol eraikinen “kudeaketa eraginkorra” egitea eskatu du EH Bilduk se publicó primero en durangon.com.

Elorrioko Udalak Elizaldeko Igerilekuetan asteburuan eragina izan zuten arazo teknikoak konpondu ditu eta instalazioak normaltasunez ireki dira gaur. Udalak aukera desberdinak aztertuko ditu eta arazo horien eragina jasan zuten pertsonei kalte hori dagokion proportzioan konpontzeko proposamena egingo du.

Matxura elektriko batek eragindako arazoak zapatuan hasi ziren. “Ordu eta erdiz txirristak zerbitzu barik geratu ziren, eta igerilekuetako ontzien balio kimikoak kontrolatzeko sistemak ere jasan zituen eraginak”, Udaletxik adierazi dutenez. Modu berean, akats elektrikoak kanpoko dutxetan arazoak eragin zituen, eta igandean funtzionatu  barik egon ziren.

Dani Palacios Elorrioko Udaleko Kirol zinegotziak barkamena eskatu die erabiltzaileei “sortutako  eragozpenengatik”, eta arazoak eragindako “erreklamazioei erantzuteko lanean ari gara”, adierazi du.

La entrada Elorrioko igerilekuak normaltasunez funtzionatzen ari dira asteburuko arazoen ondoren se publicó primero en durangon.com.

Atxondoko Udalak berriro lizitatu du igerilekuetako tabernaren ustiapena, lehengo deialdia hutsik geratu ondoren. Orain ateratako lizitazioaren prezioa 500 eurokoa izango da ekaina, uztaila eta abuztuko denboraldiagatik, aurrekoan 1.000 eurokoa izan zela.

Tabernak 11:00etatik 20:30era bitarteko zerbitzua eman beharko du, “kontratuak irauten duen egun guztietan”, Udal arduradunek adierazi dutenez. Gainera, esleipendunak egun guztietan eman behar du zerbitzua, kontratatutako langileen atseden-eskubidea, oporraldia eta gainerako eskubideak direnak direla.

Tabernan salgai egongo dira edariak eta establezimenduan bertan azkar kontsumitzeko jatekoak. Produktu osagarriak ere eskaini ahal izango ditu, hala nola, izozkiak, opilak, snack-ak, litxarreriak eta antzekoak.

La entrada Atxondoko Udalak erdira jaitsi du igerilekuetako tabernaren lizitazioa se publicó primero en durangon.com.

Abadiñoko igerilekuetako eta kirol zentroetako langileen lanuzteak eta geldialdiak direla eta, biharko udalbatzan eztabaidatzeko mozioa aurkeztu du EH Bilduk. Langileen lan baldintza duinak eskatzeaz gain, erabiltzaileei

Talde soberanistak aurkeztutako testuaren arabera, igerilekuetako eta kirol zentroetako langileek “lan baldintza duin batzuen alde 16 hilabete negoziatzen egon ondoren”, egun osoko greba egunak deitu dituzte Bizkaia osoko instalazioetan. Langileen eta patronalaren arteko “akordio bat erdietsi ezean”, geldialdiak areagotu egingo direla aurreikusten dute.

Egoera horren aurrean, eta “erabiltzaile gehienak abonatuak direla” kontuan hartuta, igerilekuak kudeatzen dituen Emtesport enpresaren diru iturriak mantendu egiten dira, eta “greban ari diren langileen soldatak aurrezten ari dira, era horretan irabaziak handituz”.

Lan Hitzarmena

“Bizkaiko igerilekuetako eta kirol zentroetako langileei lan baldintza duinak bermatuko dizkien Lan Hitzarmena adosteko langileen ordezkariekin”, eskatzen diote patronala den CEBEKeri.

Horrez gain, “erabiltzaileei eragiten dizkien eragozpenak  emendatzea” eskatzen diote Astolako kiroldegia kudeatzeko azpikontratatua dagoen Emtesport enpresari. Gainera, erabiltzaileen kalteordainak zeintzuk diren enpresaren eta udal ordezkarien artean adosteko beharra adierazi dute “epe ahalik eta laburrenean”.

Azkenik, “etorkizunari begira” eta zerbitzua publifikatzeko borondatea erakutsi ondoren, “hori posible egin ahal izateko aukerak” aztertzearen beharra azpimarratu du EH Bilduk. Kudeaketa aldaketa horrekin, izan ere, “zerbitzuaren jarraipen hobea egin eta langileentzako lan baldintza duinak” bermatuko direla uste dute.

La entrada Abadiñoko igerilekuetako eta kirol zentroetako langileen lan baldintza duinak eskatzen ditu EH Bilduk se publicó primero en durangon.com.