Ainke, La Txama, Gozzue eta Tatxers.

Pantxikeren dantza alaiak piztuko du jaia gaur Landako Gunean. Udaletxetik aterako da trikitilariekin batera kalejiran, eta txosnagunera ailegatu orduko, lekukoa eskainiko dio Durangoko euskalgintzari. Izan ere, Ibaizabal Ikastola, Berbaro, Euskal Herrian Euskaraz eta AEKren Abarrak euskaltegia izango dira txupinazoa jaurtiko dutenak iluntzean Sanfausto jaiei hasiera emateko.

Txapliguak eztanda egin eta egitarau musikal eta kultural oparoa abian jarriko da durangarren gozamenerako. Estilo anitzeko musika taldeak, jarduerak heldu zein umeen­tzat, lehiaketa herrikoiak eta beste hainbat ekintza prestatu ditu txosna batzordeak. Xehetasun guztiak Gorka Pagonabarraga batzordeko kideak eman dizkigu.

-Dagoeneko dena prest izango duzue Sanfaustoei hasiera emateko. Gogotsu?
-Jakina, ekiteko prest eta behin hasita, denak martxa hartuko duelakoan eta dena ondo irtengo delakoan.

-Durangoko euskalgintzak protagonismo handia izango du aurten.
-Ibaizabal ikastolak 25 urte bete ditu, Berbarok 35 eta Euskal Herrian Euskarazek 45. Horiei gehituko zaie AEKren Abarrak euskaltegia, hainbeste urtez egindako lanarengatik. Guztiei Durango euskaldun baten alde egindako lana aitortu eta goraipatu nahi diegu, eta haiek izango dira, Pantxike trikitilarien kalejirarekin batera heldu ostean, txupinazoa jaurtiko dutenak. Ekitaldian euskalgintzak aurrera begirako erronkak plazaratzeko aukera izango du. Gainera, eskertu nahi diegu txosna batzordean jai alternatibo eta euskaldunen alde urte luzez egindako lana.

-Egitarau oparoa prestatu duzue, noiztik hasi zineten dena antolatzen?
-Urte osoko lana da, nahiz eta antolaketaren zati handiena udaberri amaieratik jaiak arte egiten dugun. Lan handia eskatzen du txosnen eskaintza guztia aurrera ateratzeak, baina eragile askok parte hartzen dugu, eta denon artean banatzen dugu zeregina.

-Edukien aukeraketa egitea ere ez da samurra izango.
-Saiatzen gara oreka bat topatzen hainbat zentzutan. Adibidez, musikari dagokionez, Euskal Herrian modan dauden taldeak ekartzen saiatzen gara, batez ere, zapatuetarako, jaiak ahalik eta jendetsuenak izan daitezen. Lehenengo egunerako, ordea, Durangaldeko taldeak aukeratzen ditugu; famatuei zein hasiberriei aukera ematen zaie. Gainerako egunetarako euskarazko taldeak egon daitezen eta egitaraua genero aldetik parekatuta egon dadin bilatzen dugu.

-Aurten ere musikak ez omen du hutsik egingo.
-Urtero legez, hainbat estilotako taldez gozatzeko aukera egongo da. Gaur gauean, adibidez, Durangaldeko Gozzue, Hainke, Katu eta Kuku eta Kene taldeen kontzertuak izango dira. Bihar, Gazte Egunean, La Txama, Tatxers eta Malakias MX3 izango ditugu gurean. Gainera, Gazte Asanbladakoak gaztetxearen aldeko aldarria zabaltzen ari dira, eta herriko hainbat musikarik sortu berri duten Gazte Eguneko abestia ‘Kaletik Gaztetxeetara’ ezagu­tzera emango dute Malakiasen kontzertuan. Horrez gain, asteburua bukatzeko karaokea eta dj maratoia antolatu ditugu.

-San Fausto Egunean durangarren partehartzea osagairik onena izaten da.
-Bai, eta horregatik egun osoko plana prestatu dugu. Hasteko, familientzako ikuskizuna izango dugu, Yogurinha Borovaren eskutik, eta ondoren paella txapelketa. Mila inguru durangar batzen gara mahaiaren bueltan. Bazkaldu ostean, erreka jaitsiera egongo da eta bertso-poteoa. Iluntzean, herriko 20 bat lagunek jarriko dute musika dj maratoian.

-Bigarren asteburua ere beteta dator.
-Tortilla txapelketa jende­tsuaz gain, barikuan beste hiru talde ditugu, musika zaleentzat aproposak izango direnak: Txopet, Pinpilinpussies eta Belako. Azken egunean, Mozorro Egunean, eskain­tza berezi samarra prestatu dugu. Hego Amerikatik Rolando Bruno etorriko zaigu, eta Goxua’n Salsaren abesti ezagunen bertsioekin dan­tzatzen jarraituko dugu.

Nobedadeak

-Mozorro Egunak gainera nobedadeak dakartza.
-Herriko jaietan klasiko bat da, baina aurten ikusgarritasun handiagoa emateko, desfile bat antolatu dugu, eta mozorro lehiaketa ere egingo dugu. Proposatutako gaia EITB izango da, bromarako aukera ematen duelakoan.

-Txosnagunearen kokapenean, aldiz, nobedaderik ez.
-Azken urteotan bezala, Landako Gunean egongo da. Nik uste dut ez dela lekurik onena txosnak jartzeko, Pinondon askoz ere giro politagoa sortu ahal zen. Dena dela, gehien kezkatzen gaituena ez da hori, baizik eta iaz Udalak ordutegia murriztu zigula eta hainbat arazo ipini zigula musikaren bolumenarekin. Hau da, bidea erraztu beharrean, oztopoak ipintzen ibili zaigu, eta sartu gaitu taberna normalen ordutegi berberan. Horregatik, txosnak goizaldeko 4:30ean ixtera behartuta gaude.

-Negoziatzerik ba al dago?
-Duela aste batzuk egin genion eskaera Udalari berba egiteko. Baloratuko zuela esan zigun. Txosna batzordearen ustetan, txosnak herriari egiten dion ekarpena esanguratsua da, eta bertan eskaintzen den gune erosoaren ordutegia murrizketa zentzugabea ikusten dugu. Izan ere, ordutegi horretatik aurrera dagoen eskaintza oso murriztua da, eta bertan sor­tzen den giroa gehienetan ez da erosoa izaten.

-Gune erosoa izateaz gain, segurua ere izango dela bermatuko duzue.
-Inolaz ere ez dira jarrera edota eraso arrazista, sexista ez LGTBI+-fobikorik onartuko, eta horien aurrean erantzungo dugu. Horretarako protokolo bat martxan izango dugu. Elkarlanean, ilusioz sortutako jaiak ondo joan daitezen guztioi errespetuz jokatzeko eskatzen dizuegu.

La entrada “Durango euskaldun baten alde egindako lana aitortu nahi diegu” se publicó primero en durangon.com.

Elorrio afronta la recta final de sus Ferixa Nausikoak con un intenso programa de actividades con citas gastronómicas como el Sukalki Eguna de mañana o la iniciativa organizada por Kainabera para el domingo, con guisos típicos de diferentes zonas del mundo.

Las primeras actividades de hoy, viernes, tendrán como protagonistas a los mayores, con el recorrido ‘Elorrio zirkularra’, una misa o un lunch, y por la tarde tendrán un chicharrillo con el Trio Serenade.

Además, habrá actividades para los jóvenes, torneo de fútbol-sala o concierto de Homenaje a Luis Mariano a cargo de Andoni Martínez Barañano en el Arriola, mientras que en la plaza habrá concierto con TOC y Esne Beltza.

El Sukalki Eguna en Aldatsekua abrirá el programa de mañana, que incluye actividades para los más pequeños y las actuaciones de Fanfarrixo y de Andoni Ollokiegi. Por la tarde, habrá bajada de carrozas, Disko Muzio’s y Dj Gorka Pérez en la plaza y actuará Golden Apple Quartet en Urarka. En el gaztetxe tocarán Gozzue y Malakias eta Denso y en las txosnas Euskal Dub Etxea.

Sabores de Elorrio

La iniciativa ‘Comidas y sabores de Elorrio’ organizada por Kainabera, permitirá degustar durante la mañana de platos típicos de diferentes lugares del mundo, que serán elaborados por personas de diferentes países que residen en Elorrio.

Al mediodía habrá sesión de herri-kirolak con Alex Txikon, Hodei Ezpeleta, Julen Mendieta, Bihurri, Karlos Aretxabaleta y Ane Zinkunegi, y por la tarde habrá sesión de bertsos con Julio Soto, Alaia Martin, Iruri Altzerreka e Igor Elortza, con Maite Berriozabal proponiendo los temas. La ‘Ópera break de Esperanza Mara & Colectivo Vella Escola despedirá los festejos.

Hoy, mañana y el lunes, se disputarán las sesiones del LVII Campeonato de pruebas de bueyes.

La entrada El Sukalki Eguna destaca en la recta final de las Ferixa Nausikoak se publicó primero en durangon.com.

Garaiko Santixau, Santa Ana eta San Inazio jaiak astelehenean amaituko badira ere, ordura arte hainbat ekitaldi izango dira egitarauan, tarteko gaur eta bihar ospatuko diren umeen eta gazteen egunak.

Gaurko egitarauko protagonista nagusiak etxeko gazteenak izango dira, Umeen Eguna ospatuko baitute. Hori dela eta, beraientzat prestatutako jolas pareka izango da goizez eta arratsaldez. Gainera, sailkatutako lehenengo lau bikoterentzat sariak banatuko duen briska txapelketa jokatuko da 17:30ean hasita. Eguna borobiltzeko, hainbat musika tresna jotzen dituen Txistuman musikariaren saioa egongo da Elizabarrin 19:00etatik aurrera.

Gazteen Eguna ospatuko dute zapatuan eta 13:30ean hasita poteo musikatua izango dute. Ondoren, indarrak berreskuratzeko bazkaria egingo dute, eta bazkalostea girotzeko ginkana egongo da. 19:00etan Debrass Band Elektrotxarangaren ekitaldia egongo da, eta 23:00etatik aurrera Gozzue eta Etxepe taldeen kontzertuak iragartzen dituzte.

Herri bazkaria

Herri bazkariarekin abiatuko dira zapatuko ekitaldiak eta gaueko 22:00etan hasita bertso ekitaldia egongo da Elizabarrin, Unai Iturriaga, Sustrai Colina, Irune Basagoiti eta Iruri Altzerrekaren partaidetzarekin, gai-jartzailea Maite Berriozabal izango dela. Eguneko egitaraua Joselu Anaiak eskainiko duen erromeriarekin osotuko da.

11:30ean hasiko den mus txapelketarekin ekingo diote domekako egitarauari. Arratsaldean pilota partidak jokatuko dira eta gaueko 22:30etik aurrera Luhartz taldeak girotutako erromeria egongo da.

Aurtengo ospakizunak astelehenean amaituko dira, San Inazio egunez. 11:00etan emango den meza nagusiaren ostean dantza saioa eta igel-jokoaren tokiko txapelketa egongo dira. Arratsaldeko 18:00etan asto proben erakustaldia egingo dute Peruriko Landaluzek, Mallabiko Irazolak, Mendatako Imanol Erleagak eta Garaiko Anarketak. Gaueko 21:30ean bakoitzak berea eramandako herri-afaria egingo dute jaiak agurtzeko.

La entrada Haurrak eta gazteak izango dira gaurko eta biharko protagonistak, hurrenez hurren, Garaiko jaietan se publicó primero en durangon.com.