Iurretako Zaldai Mendi Taldeak mugikorreko GPSak erabiltzeko ikastaroa prestatu du datorren asterako. Ekimena martitzenean eta eguaztenean emango diren bi saioetan banatuko da eta Android sistema eragilea duten mugikorrentzat prestatuta dago.

Martitzeneko saioan Orux maps softwarea erabiltzen erakutsiko da, tarteko, lanabes digital horren instalazioa eta konfigurazioa eta kartografiaren instalazioa. Gainera, Track-ak sortzen erakutsiko da Google Earth edo Strava aplikazioak arabilita.

Eguazteneko saioan berriz, Track-ak nondik eskuratu, nabigazioa, bakoitzak egindako ibilbideen grabaketa eta segurtasuneko aplikazioak izango dira hizpide.

Saio biak euskaraz emango dira, Ibarretxe Kultur Etxean, 18:30etatik 20:30etara, eta parte hartzeko izena eman behar da zaldai@hotmail.com helbide elektronikoan. Zaldai Mendi Taldeko bazkideentzat dohainik izango da eta bazkide ez direnek 5 euro ordaindu beharko dute.

La entrada Mugikorreko GPSak erabiltzeko ikastaroa antolatu du Iurretako Zaldai Mendi Taldeak se publicó primero en durangon.com.