Olentzero eta Mari Domingik Gabon egunean egingo duten kalejirarekin hasiko da Berrizko Udalak prestatu duen Eguberriko egitaraua, eta urtarrilaren 5ean Erregen kabalgatarekin osatuko da.

Gabon eguneko ekitaldiak, goizeko 9:30ean Olakueta plazatik abiatuta herriko auzoetara egingo den ibilaldiarekin hasiko da aurtengo egitaraua. Arratsaldeko 17:30ean berriz, udaletxetik abiatuko dira Olentzero eta Mari Domingi, probalekuraino egingo duten joanaldiarekin. Udalak baserritar jantzita parte hartzera gonbidatzen ditu herritarrak.

Abenduaren 27an kontzertua izango da San Juan elizan, 19:00etan hasita, eta hurrengo egunean, ordu berean, Zirkozaurre konpainiak ‘Kobr3’ malabare teknikak, objektuen manipulazioa, cir gurpila, bertikalak eta mugimendu konpasatuak konbinatzen dituzten ikuskizuna eskainiko dute Berrizko Kultur Etxean.

Egitarauak urtarrilaren 2an izango du jarraipena, umeentzat egingo diren ekintzekin. Goizez, Gabonetako eskulanen tailerra egongo da, eta arratsaldean, 12 urtetik gorako gaztetxoek scape roomean parte hartzeko aukera izango dute.

Puzgarriak

Urtarrilaren 4an puzgarriak egongo dira Olakueta frontoian, 12:00etatik 13:30era eta 16:00etatik 19:00etara.

Gabon jaietarako prestatutako ekitaldian urtarrilaren 5ean egingo den Erregeen kabalgatarekin osotuko dira. Ekialdeko Magoak komentutik abiatu eta Olakuetako plazara helduko dira, eta bertan umeen eskariak jaso dituzte. Ondoren, txokolate beroa banatuko da bertaratzen direnen artean.

La entrada Berrizko Gabon jaietako egitaraua zirkuarekin eta gaztetxoentzako ekintzekin osatuko da se publicó primero en durangon.com.

Durangoko Berbaro Elkarteak ‘Udaberrian Olgetan’ ekimena prestatu du martxoaren amaierarako eta apirileko lehen egunetarako. Euskaraz egingo den egonaldia 4 eta 12 urte bitarteko ume eta gaztetxoei zuzenduta dago.

Berbarok prestatutako egonaldiak martxoaren 29tik 31ra eta apirilaren 6tik 9ra egingo dira, goizeko 10:00etatik eguerdiko 13:00etara. Bertan parte hartzen dutenek jolasak, eskulanak, tailerrak eta bestelako ekintzetan parte hartzeko aukera izango dute.

‘Udaberrian Olgetan’ aste biko egonaldia izango da. Lehenengo saioak martxoaren 29, 30 eta 31an izango dira eta bigarrenak apirilaren 6, 7, 8 eta 9an. Hala ere, “asteka izena emateko aukera ere egongo da” adierazi du dute antolatzaileek.

Izen-ematea otsailaren 25era arte egongo da zabalik, eta Berbaroren webgunean egitea lehenesten bada ere, Berbaroren bulegoan (Laubideta kaleko 6C-an) ere egin daiteke inork horrela beharko balu. Plazak izen-emate ordenan emango dira.

Antolatzaileek adierazi dutenez ekimenak “modu seguruan” egingo dira, prestatu duten ekintzetan “gomendatutako osasun neurriak” bete egingo baitira.

‘Udaberriak Olgetan’ bere osotasunean egin nahi duten Berbaroko bazkideek 70 euro ordainduko dituzte eta besteek berriz, 90 euro. Lehen asterako prezioak 36 eta 45 eurokoak izango dira bazkideentzat eta besteentzat, hurrenez hurren, eta bigarren astekoak 48 eta 60 euro kostatuko dute.

La entrada Berbarok udaberriko aisialdirako egonaldiak prestatu ditu se publicó primero en durangon.com.

Artisauak, sortzaileak eta ekoizleak biltzen dituen Eixu elkarteko kideak azoka prestatu dute domekarako Elorrion. San Pio X. kaleko lorategian kokatuko diren postuak 11:00etatik 15:00etara eta 17:00etatik 20:00etara egongo dira irekita.

Parkean kokatuko diren postuetan bitxiak, jantziak, zeramika, kosmetika, oihalak eta eskuz egindako beste zenbait artisau-ekoizpen jarriko dira bisitarien esku, antolatzaileek “artisau eta sortzaileen aniztasuna” azpimarratu dutela.

Azokara gerturatzen direnei Covid-19aren aurrean ezarritako protokoloak eskatzen duen distantzia mantentzeaz gain, musukoa erabiltzea derrigorrezkoa dela gogoratzen diete. Gainera, eskuak garbitzeko gela erabiltzea ere beharrezkoa dela adierazi dute.

La entrada Eixu elkarteko artisauek azoka egingo dute bihar Elorrion se publicó primero en durangon.com.

Mañariako Hontza Museoak-Durangaldeko Natur Zientzien Hontza Museoak eskualdeko 5 eta 10 urte bitarteko umeei zuzendutako Aste Santuko tailerrak antolatu ditu. Tailerrak apirilaren 25 eta 26an egingo dira.

Ekimen honen bidez “etxeko txikienek eskulanak egiterako orduan duten trebezia erakusteko aukera izango dute”, antolatzaileen arabera. Izan ere, bertaratzen diren umeek prestatutako ekimen artean eskulanak zein jolasak edo ipuin txokoan parte hartzeko aukera izango dute.

Tailerren ordutegia 10:00etatik 13:30etara izango da eta bertan parte hartzeko beharrezkoa da aldez aurretik izena ematea info@hontzamuseoa.eus helbidean. Partaide bakoitzak 10 euro ordaindu behar ditu.

La entrada Hontza Museoak umeentzako tailerrak emango ditu Aste Santuan se publicó primero en durangon.com.