Euskararen erabilera etxean, kalean edota eskolan sustatzeko asmoa duen ‘Euskararen kriseilua’ren bigarren edizioa burutuko du aurten Berrizko Udaleko Euskara sailak. 

Proiektuarekin bi gonbidapen egiten zaizkie familiei; alde batetik, astebetez Kriseilua zaindu eta  hizkuntza ahalik eta gehien erabiltzea, eta bestetik, etxekoen hizkuntza ohituren inguruan  hausnartzea.

Parte hartu ahal izateko, berriz.kriseilua.eus webguneko izen-emate fitxa bete behar  da, urriaren 15a baino lehen.

Diptikoa

Bestalde, eskolaz kanpoko jardueretako  begirale eta entrenatzaileei diptiko bat banatu zaie ‘Zer egin dezakegu aisialdian eta  kirolean, haur eta gazteek euskaraz hitz egin dezaten?’ izenburupean.

Bertan aholkuak eman eta baliabide batzuk eskaintzen zaizkie. Euskararen erabilera  sustatu, egonkortu eta indartzeko, entrenamendu eta aisialdi jardueraren eremu osoa  zaindu behar dugulako.

La entrada Hizkuntzaren erabilera bultzatu nahi duen ‘Euskararen kriseilua’ egingo dute Berrizen bigarrenez se publicó primero en durangon.com.