Sariarekin Garaizabalek hogei urttan zehar ardoaren kulturari egindako ekarpen zabala aitortu nahi da, besteak beste. Sari emate ekitaldia astelehenean egingo da, 17:45etan, Gasteizko kongresuen Europa jauregiko Gasteiz aretoan eta Bingen Zupiria, Eusko Jaurlaritzako Kultura eta Hizkuntza Politikako sailburuak zuzenduko du.

Mikel Garaizabal Pildain, ardoaren kulturaren dibulgatzailea da. Sommelier, Ostalaritzan, Turismoan, Enologian eta Bitikulturan tituluduna. 1996. urtetik ardoaren munduan jardun du eta 1500dik gora kata, ikastaro eta ponentzia eman ditu mundu osoan zehar.

Horrez gain, hainbat liburu idatzi ditu. Ardoaren kultura zabaltzeko lanean lau liburu idatzi ditu eta horietako bik, ‘Vinos de Euskal Herria’ eta ‘Txakoli de Bizkaia. El viaje’, liburu gastronomikoen Oscarrak bezala ezagutzen den Gourmand saria irabazi dute. 2003an Bartzelonan eta 2013an Paris eta Yatain (Txina), munduko mailako gastronomia liburu onenak bezala izendatu dira kategoria ezberdinetan.

‘Mahatsaren Orpotik Dator’ ardoaren inguruan euskara hutsean idatzi den lehen liburuaren idazle eta editorea eta ardoaren terminologiaren egilea da. Bestalde, komunikabide ezberdinetan kolaboratzen du.

La entrada Mikel Garaizabal enologo eta sommelierra saritu du Euskal Gastronomia Akademiak se publicó primero en durangon.com.