Lau egunez egingo dute Fundifest urteurren ospakizuna.

Durangoko Sorginola gaztetxeak hirugarren urteurren jaia ospatuko du ekainaren 22, 27, 29 eta 30ean, eta aurtengo Fundifest ekimenaren inguruan hainbat berrikuntza iragartzen dituzte gune horretako erabiltzaileek. Egun horietan ospatuko diren Tabira auzoko jaietan parte hartzeaz gain, gaztetxean bertan eraikitako sukaldea eta literatur tailerretik sortutako aldizkaria aurkeztuko dituzte, besteak beste.

Aurtengo egitaraua Bart…Sax! taldearen agerraldiaren hasiko da 22an. Bartolome Ertzilla Musika Eskolan sortutako taldeak kontzertua eskainiko du arratsaldeko 19:30etan hasita eta gaueko 22:00etaitik aurrera Jam Session irekia egongo da.

Ekainaren 27an, arratsaldean, txupinazoa piztu eta mural margoketari ekingo diote. Gaueko 21:00etan afari arabiarra, terrazeoa eta eraikinean egindako sukaldearen inagurazioa izango da eta eguna borobiltzeko jolasak egongo dira.

Txokoren erabilera

Ekainaren 29an foundi tailerra eta postrea eta zabaldu berri duten txokoaren erabileraren oinarriak erabakitzeko asanblada egingo dute arratsaldeko 17:00etatik aurrera. Ondoren, Fanzine Literarioan egindako Berbaz Sorkuntza aldizkariaren aurkezpena egingo dute eta jarraian 2019an gauzatuko duten Bartzelonako La Tecla gaztetxearekin senidetza prozesuaren berri emango dute.

Eguna borobiltzeko auzoko tortilla dastatzean parte hartuko dute eta Dj Festa egongo da.

Eguerdian, Tabira parkean egingo duten gazte marmitakoarekin emango diote hasiera Fundifesten azken egunari. Bazkalostean bingo musikatua egingo dute eta arratsaldean zehar Broken Brothers Brass Band taldea ibiliko da auzoan zehar.

Durangar guztien gaztetxea

Gaueko 22:00etan Durangoko Storm taldearen saioa hasiko da eta ondoren JazzWoman, AGS, Hien, Del Olmo eta Kran F ekimen ezberdinak landu eta Periferia Norte ekimenean biltzen diren sortzaileen saioa hasiko da. Ondoren, Dj Jkinen eskainiko duen ekitaldiak emango dio amaiera aurtengo edizioari.

Bestalde, Sorginolako kideek Tabirako eraikinean irekitako gaztetxea “durangarrona” dela azpimarratu dute eta beraien “ekintza eta auzolanetara ahalik eta lagun gehien” erakartzeko prestatzen dituztela gogoratu dute.

Azalpen horrekin eraikinaren atean agertutako “Esto es un gaztetxe. No un garito” pintadei erantzun nahi izan diote. Horregatik, eta hazten jarraitzeko helburuarekin, “domekaro 18:00etan Sorginolako ateak zabalik dituzue asanbladara etortzeko” gonbidapena luzatu dute.

La entrada Auzolanean egindako sukaldea estreinatuko dute aurtengo Fundifest urteurren ospakizunean se publicó primero en durangon.com.

Durangoko Intxaurre Kultur Elkarteak ‘Intxaurre Egune’ ospatuko du zapatuan eta egunerako prestatutako egitarauan etenaldia egingo dute arratsaldean Iruñean Altsasuko gazteen alde egingo den manifestaziora joateko.

Urteurren ospakizuna eguerdian hasiko da pintxo dastaketarekin. Bertaratzen direnek  JanGo Dot pintxo lehiaketan ‘Lágimas de María’ ardoarekin hobeto bat egiten zuen saria irabazitako ‘Intxaurretik’ pintxoa zein beste pintxo eta razioak probatzeko aukera izango dute.

Ospakizunak Bertsoak balkoitik balkoira ekimenarekin jarraituko du. 13:00etan hasiko den ekitaldian Josune Aramendi, Igor Elortza eta Eneko Abasolo ‘Abarkas’ izango dira kantari.

Arratsaldean ospakizunaren etenaldia egingo da. 15:0oetan ‘#AltsasukoakAske. Hau ez da justizia’ goiburuarekin Iruñean egingo den manifestazioan parte hartzeko antolatutako autobusa irtengo da. Manifestaziora joan nahi duenak izena eman dezake Intxaurre tabernan eguenera arte.

Intxaurre Egunek jarraipena izango du 23:30etatik aurrera, Gora Etorri eta DJ Jkinek eskainiko dituzten saioekin.

La entrada Intxaurre Egunek etenaldia egingo du Iruñeko manifestaziora joateko se publicó primero en durangon.com.