Amorebieta-Etxanoko Udalak Emakume Nekazari eta Artisauen Azokaren 26. edizioa antolatu du martxoaren 9rako, eta bertan parte hartzeko izen-ematea otsailaren 15era arte egin ahal izango da.

Martxoaren 8an ospatzen den Emakumeen Nazioarteko Egunaren harira antolatutako ekimenaren helburua “emakumeek arlo horretan egindako lana ikusaraztea” da Udal arduradunen esanetan. Izan ere, “historikoki sektore honetako bizkarrezurra eta eskulana izan dira emakumeak, eta hauen funtzioa ezinbestekoa izan da familien ekonomiarentzat, eta euskal gizarte, kultura eta tradizioarentzat”.

Azokaren edizio honetan parte hartuko duten emakumeek artisau eta nekazaritza produktu ugari erakutsiko dituzte, eskuragai izango baitira ogia, gozogintza, marmeladak, fruta eta barazkiak, fruta gozokiak, arropa eta osagarriak, besteak beste.

Zelaieta parkean jarriko den karpan kokatuko den azoka, 10:00etatik 15:00etara egongo da zabalik. Ezinbestekoa izango da azokan ikusgai jartzen duten guztia Euskal Herrian egoitza duten emakumeek egina izatea.

Izena eman nahi duten emakumeek otsailaren 15era egin ahal izango dute, udal webguneko ‘Izen-ematea’ atalaren bitartez, edo bestela, eskatutako informazioa emanez, emakumeak@landa21.com helbidean.

Udalak deialdiaren ebazpena zuzenean jakinaraziko dio onuradunari, hark emandako helbidean, 2024ko otsailaren 16tik aurrera. Onarpena izen ematearen arabera egingo da, eta aukeratutako pertsonak lau eguneko epea izango du onarpena berresteko, jakinarazpena jaso eta gero.

La entrada Zornotzan egingo den Emakume Nekazari eta Artisauen Azokan izena emateko epea zabalik dago se publicó primero en durangon.com.

Hirugarren urtez jarraian Nikolas Azoka egingo da bihar Izurtzan, eta bertan 22 postu jarriko dira, eskualdean, Bizkaian eta Ipar Euskal Herrian ekoiztutako janari eta edariekin.

Azokan janari eta edari desberdinak izango dira eskuragai; besteak beste, gazta, ardoa, garagardoa, kontserbak, eztia, gozoak, barazkiak, txerrikiak, pateak, likoreak… “pixka bat denetarik egongo da”, Oihane Irastorza alkateak adierazi duenez. Gainera, “Aldundiak Izurtzan duen aterpetxean dauden etorkinek pastak eta tea eskainiko dituzte”.

Bertaratzen diren herritarrek pintxoak dastatzeko aukera ere izango dute. “Iaz Labeldun oilasko pintxoak eskaintzen genituen baina aurten txerri-burualde pintxoak egongo dira eskuragai, bi euroren truke. Izurtzarrek berriz, doan izango dute lehenengo pintxoa”, Irastorzak adierazi duenez.

Aurtengoa Nikolas Azokaren hirugarren edizioa bada ere, ekimen honen oinarria zortzi uztez jarraian egin zen Gaztardogi azokan dago. Izan ere, Izurtzako azoka “ez zen egin 2020an pandemia zela eta, eta ardo ekoizleek arazoak izaten zituztenez gerturatzeko Azoka berriari herriko patroiaren izena jartzea erabaki genuen”.

La entrada Janariz eta edariz hornitutako<br/>22 postu jarriko dira bihar goizean Izurtzan egingo den Nikolas Azokan se publicó primero en durangon.com.