Garilak 26 eta Bad Sound System-ek joko dute Elorrioko Gaztetxean 22.00etatik aurrera.

Elorrioko Gaztetxeak 29. urte betetzen dituela eta, lokal horren erabiltzaileek bihar burutuko diren hainbat ekitaldirekin prestatutako urteurren jaia egingo dute. Goizean hasi eta gaueko ordu txikietara arte iraungo duen ospakizunerako musika kontzertuak, bazkaria eta bestelako ekitaldiak prestatu dituzte.   

‘Elorrixarron ametsen aterpe’ goiburuarekin egingo diren ekitaldiak goizeko 10.30ean hasiko dira Erreka kalean egingo den Graffiti tailerrarekin. Eguerdiko 12.30ean ‘Artisten poteoa’ abiatuko da Gaztetxean eta 14.00etan omenaldi ekitaldia egingo dute San Jose inguruan.

Arratsaldeko 14.30ean bazkaria egingo duten Herri Eskolako erabilera anitzeko pabilioian eta bazkalostean umorea eta jokuak nagusituko dira.

Eguneko gainontzeko ekitaldiak Iturri jauregian dagoen Gaztetxean burutuko dituzte eta arratsaldeko seietan familia argazkia aterako dute. 19.30ean eguneko lehenengo kontzertua eskainiko du Mud Candies-ek.

Bad Sound System eta Garilak 26ren agerraldiak gaueko hamarretan hasiko dira eta talde bien ekitaldiak amaitu ondoren dj Elvis Caino-ren saioa hasiko da.

La entrada Bad Sound System eta Garilak 26ren kontzertuak gaztetxean bihar, urteurrena ospatzeko se publicó primero en durangon.com.