Atxondoko Udalak San Pedro elizako eta eskola inguruko bidea behin-behinean moztea erabaki du, eremu horretan trafikoa eta aparkalekuak zelan kudeatu erabaki arte.

Udalak “prebentzio eta segurtasun arrazoiengatik” hartutako erabaki horren bidez, “mota guztietako ibilgailuen joan etorria eta aparkatzea” debekatzen da, bidea mozten duen hesian azaltzen den bezala.

Erabaki horren arrazoia inguru horretan sortu diren arazoetan arrazoitu du Gobernu Taldeak. Izan ere, “espazio horren zati batean espaloia harrizkoa da eta beste batean asfaltozkoa. Harrizkoa oinezkoentzako izan arren, jendeak bertan aparkatzen du eta erabilera txarra eman zaiola azaldu dute.

“Orain arte espazio hori ez da erregulatu, eta horregatik hainbat arazo sortu dira”, Eneritz Agirre Atxondoko alkatearen esanetan.

Arazoari irtenbidea emateko eta “eremu horren erabilera egokiena zein izan daitekeen erabakitzeko”, Udal arduradunek eremua zelan kudeatu aztertzen ari dira “auzokideekin eta eskola komunitateagaz” berba eginez.

La entrada Atxondoko Udalak eskola inguruko bidea behin-behinean moztu du se publicó primero en durangon.com.

Atxondoko eskolako gurasoek haserrea agertu dute ikastetxean jarri behar den sukaldea jartzeko lanak atzeratu egingo direlako, nahiz eta 2020ko udan ipiniko zela adostu zuten erakundeekin. Ikasleen Guraso Elkarteak (IGE) adierazi duenez, obra horren ordez beste eginkizun batzuk lehenetsiko dituzte Udalak eta Hezkuntza sailak, “2-3 urteko gela adibidez”.

Sukaldea egin aurretik beste lan batzuek egingo direla jakin ondoren, Atxondoko IGEk eta Eskolako zuzendaritzak “bilera batera deitu zituzten bai Udal ordezkariak eta baita Hezkuntza departamentuko ordezkariak”. Hala ere bilerara ez zen ordezkari publikorik agertu eta Xabier Azkarate alkateari deitu ziotenean “oso lanpetuta dagoela esan zigun”.

Nahiz eta bilera beste egun baten egiteko prest egon eta “eguna eta ordua jartzeko eskatu” Azkaratek muzin egin zion gonbiteari eta guraso elkartearekin eta zuzendaritzarekin elkartzeko denborarik ez zuela esan zien, IGEren esanetan.

Egoera horren aurrean Eskola kontseilua konbokatu zen baina, Covod-19aren krisiaren ondorioz, elkartu eta gertatutakoa salatzea ezinezkoa egin zitzaien familiei. Eta erakundeengatik jasotako erantzunarekin “oso haserre” daudela adierazi dute, bai alkatearekin zein Hezkuntza departamentuarekin. “Ez zaigu serioa iruditzen eurek gure mezuei erantzun ere ez egin izana”.

Atxondoko gurasoek hainbat ekimen burutu dituzte sukaldea eskatzeko, tarteko umeek eta eskolako zuzendaritzak direla bi urte catering enpresei egindako plantoa; horren ondorioz, herriko plazan bazkaldu zuten aste betez. Gainera, ortua, hitzaldiak, tailerrak, bertoko produktuen dastaketak, ekoizleei bisitak eta bestelakoak ere egin dituzte.

Orain, koronabirusak eragindako konfinamenduagatik etxean egon behar badira ere, ez dute berain protesta alde batera uzteko asmorik. Horretarako, eta sukaldea uda honetan jartzea aldarrikatzeko ‘#Gu etxean, Sukaldea eskolan Orain!!’ kanpaina jarri dute martxan.

“Agerraldi eta manifestaziorik ezin dugunez egin,  Atxondoko gurasook aldarria egin dugu gure etxeetan, bat eginez etxean egotearen gomendioaz eta gure aldarria gehituz”. Eta horren eredu dira IGEko kideek egin dituzten argazkian.

La entrada Atxondoko eskolako gurasoak haserrea agertu dute sukaldea jartzea atzeratu delako se publicó primero en durangon.com.

Hezkuntza Sailak “bere erantzukizunari ihes egiten dio”, EH Bilduren esanetan.

Joan den astean Eusko Jaurlaritzak eskoletako jantokien eredua aldatzeko erabakiaren aurrean Durangaldeko EH Bilduk bere desadostasuna agertu du neurri horrekin, zerbitzu horren ardura ezin delako “guraso elkarteen bizkar utzi”. Hala ere, jantokiak “kudeatzeko eredua aldatzea” beharrezkoa dela uste dute.

Hezkuntza Sailak hartutako erabakiarekin “bere erantzukizunari ihes egiten dio aldebakarreko proposamena eginez” alderdi soberanistaren arabera, “aurrera eramatea ezinezkoa den eredu bat” proposatu duelako.

Izan ere,  “Jaurlaritzak ondo daki guraso elkarteetan aritzen diren pertsonak boluntarioak direla eta Jaurlaritzak ondo baino hobeto daki elkarte horiek ez dutela gaitasun errealik jantokien jardun osoa antolatu eta bideratzeko eta horretarako beharko liratekeen kontratuak egiteko”, EH Bilduren esanetan.

Talde abertzaleak, hala ere, “azken urteetan eskualdeko elikadura burujabetzan urratsak emateko determinazioa hartu du” eta orain arte izandako konpromisoa berresten du. Koalizioaren arabera “jantoki kolektiboak eta bereziki eskola jangelak elikadura burujabetzaren zutabe garrantzitsu bat dira”.

Aipaturiko helburuak lortzeko “Eusko Jaurlaritzaren aurrean inplikazioa eta sistemaren aldaketa” aldarrikatuko dute eta “eskualdean ‘autogestioa’ deitutako sistemarekin saiakera egin nahi duten guraso elkarteekin elkarlanean egoera aztertu eta egon daitezkeen aukerak” jorratuko dituzte.

La entrada Eskola jantokien kudeaketa “ezin da guraso elkarteen bizkar utzi”, EH Bilduren esanetan se publicó primero en durangon.com.

“La elección entre el actual servicio de cáterin o la posibilidad de asumir directamente por parte de las asociaciones de padres y madres de los centros escolares (AMPAS) la gestión de los comedores escolares es un camino lleno de trampas”. Con esta afirmación los integrantes de Berton Bertokoa responden al cambio de normativa introducido ayer por el Departamento de Educación del Gobierno Vasco de cara al curso 2019-2020.

Los integrantes de este colectivo que reúne a once asociaciones de padres y madres y direcciones de centros escolares de Durangaldea y cuyas peticiones han recibido el apoyo de todos los partidos políticos y sindicatos, cocineros, productores y organizaciones agrarias, de bertsolaris y de deportistas, critican las dificultades que supone asumir directamente la gestión de los comedores escolares.

Los integrantes de Berton Bertokoa consideran que “toda la responsabilidad de la gestión no puede caer sobre las espaldas de madres y padres”. La modificación introducida por el Departamento de Educación prevé que “las AMPAS que apuesten por la gestión de los comedores, impulsarán todo el proceso: contratación de profesionales de cocina, adquisición de productos alimenticios, seguridad o higiene entre otros”, según la nota hecha pública por el ejecutivo autónomo.

Preparación y disposición

Sin embargo, muchas de las AMPAS carecen de la preparación o de la disposición necesaria “para asumir en su integridad cuestiones de contabilidad, de contratación de personal de cocinas y dietistas, de temas de higiene o de sanidad…”, señalan desde Berton Bertokoa. Este colectivo sostiene también que el comedor escolar es parte integrante de la formación escolar y de su currículum, por lo que es necesario “que los trabajadores de los comedores cuenten con una formación adecuada y con estabilidad laboral”.

Ante la nueva situación planteada por el cambio normativo introducido por el Departamento de Educación, y teniendo en cuenta la variabilidad de las AMPAS que puede poner en cuestión la estabilidad del proyecto, Berton Bertokoa considera necesario que tanto la gestión como los servicios que desarrollan tanto los monitores como los empleados de la cocina debería estar asumida directamente por las administraciones públicas.

Recuerdan además que la comida más saludable es la que se elabora en las propias cocinas de los centros escolares y apuestan por los alimentos producidos por los elaboradores y productores locales “que merecen nuestra confianza”.

Vídeo irónico

A pesar de la propuesta del Departamento de Educación, algunos de los centros de la comarca carecen de cocinas para poder preparar los menús en los propios centros educativos. Es el caso de las escuelas de Atxondo, Zabalarra de Durango y Zaldibar y el instituto Juan Orobigoitia de Iurrera, así como en el de Amorebieta, mientras que la escuela de Matiena dispondrá del servicio tras la reforma que se acometerá en sus instalaciones.

Al hilo de esa carencias, los integrantes de Berton Bertokoa han hecho público un vídeo rebosante de ironía, porque “estamos cansadas de excusas, de juegos políticos y de la ineficacia que demuestran ante peticiones claras, sanas y justas de muchas familias de las escuelas públicas del Duranguesado”.

En el audiovisual reclaman la implantación de cocinas en aquellos centros que carecen de ella y con ese objetivo aseguran que mantienen ‘secuestrados’ a los alcaldes y alcaldesas del Duranguesado. Si no se atienden sus pretensiones “en 24 horas” amenazan con “llenar de purines todo el valle!!”.

La entrada Berton Bertokoa dice que elegir entre cáterin y gestión directa es “un camino lleno de trampas” se publicó primero en durangon.com.

Berton Bertoko ekimenaren ordezkariak Lakuan izan dira gaur.

Durangaldeko hamar eskola eta  bertako guraso elkarteek biltzen dituen Berton Bertokoa taldearen ordezkariek,  Eusko Jaurlaritzako Hezkuntza sailean jangelen afera aztertzeko eratutako batzordearekin bildu dira.

Bertaratu den taldea ‘Gure Platera gure aukera’ eta Jangurie ekiementako eta EHNE sindikatuko ordezkariekin osotu da. Jangelen batzordean hiru eskari nagusi jarri dituzte mahai gainean. Alde batetik, gaur egun indarrean dagoen legea aldatze eskatu dute “eskola bakoitzak bere jangela eredua erabakitzeko aukera izan dezan”.

Batzordeari egindako bigarren eskarian, Atxondo herri eskolan, Iurretako Orobiogoitia institutuan, Durangoko Zabalarra eskolan eta Zaldibargo eskolan sukaldea ahalik eta arinen jartzea izan da.

Azkenik, Berton Bertoko ekimenak biltzen dituzten 10 eskoletan eta institutuan, “bertoko eta sasoiko produktuak sukaldatuak izan ahal izateko, hezkuntza sailak eman ditzala eman beharreko pausuak”.

La entrada Eusko Jaurlaritzan aurkeztu ditu bere eskariak Berton Bertoko taldearen ordezkaritzak se publicó primero en durangon.com.

Bideoaren ardatz nagusia Miren Amuriza bertsolarien hitzekin Txapito Guzman eta Ibarrako Langostinuek taldeak egindako katua da. Bideoaren ekoizpenaz berriz, Zirriborro arduratu da.

Berton Bertoko ekimenak Durangoko Zabalarra eta Landako, Iurretako Maiztegi eta Juan Orobiogoitia, Abadiñoko Traña-Matiena eta Zelaieta eta Atxondo, Berriz, Elorrio eta Zaldibarko guraso, guraso elkarte eta eskola kontseiluak biltzen ditu.

Ekimen honetara eskualdeko hainbat ekoizle eta jatetxe, kirolari, bertsolariak, hezkuntza eragile, sindikatu eta eskualdean ordezkaritza duten alderdi politiko guztiek atxikitu dira.

La entrada Eskualdeko eskoletan bertoko eta sasoiko janaria aldarrikatzen duen bideo aurkeztu dute se publicó primero en durangon.com.

Guraso elkarteetako kideek eta ordezkari politikoek bat egin zuten Berton Bertokoa ekimenaren inguruan.

Durangaldeko bederatzi ikastetxe publikoetako guraso elkarteak biltzen dituen Berton Bertokoa ekimenak, hiru eskaera dituen idatzia erregistratu du Eusko Jaurlaritzaren Hezkuntza sailean. Egindako eskarien artean, sukaldea ez daukaten lau eskolatan zerbitzu hori jartzea nabarmentzen da.

Gaur egun, Durangoko Zabalarra ikastetxean, Zaldibar eta Atxondoko eskoletan eta Iurretako Juan Orobiogoitia institutuan ez dute sukalde azpiegiturarik eta erregistratutako eskariarekin egoera hori aldatu nahi dute. Horrekin, janaria eskolan bertan sukaldatzeko aukera izatea aldarrikatzen dute, Berton Bertokoaren manifestuan agertzen den moduan.

Hezkuntza sailari emandako idatzian manifestuan agertzen den beste eskakizun bat ere egin dute, “Durangaldeko ikastetxe publikoetan bertako eta sasoiko produktuak sukaldatuak izan ahal izateko proiektu bat onartu dezala”, Berton Bertokoa ekimenaren eragileen esanetan.

Jangelen batzordea

Bi eskakizun horiek jorratzeko helburuarekin “bilera bat eskatu diogu Hezkuntza sailari”. Idatzian tartekatutako hirugarren eskariaren helburua  berriz, “abenduan Legebiltzarrean jangelen gaia lantzeko sortu zen batzordean parte hartzea”, eskatzen dute.

Berton Bertokoa ekimena sustatzen duten gurasoek, bestalde, Eurest eta Ausolan catering enpresekin bilera bana egin zuten, Urkiola Landa Garapena erakundeak gonbidatuta. Bertan, zuzenean luzatu zizkieten eskoletako guraso elkarteen eskariak, tarteko, Aste Santutik eta ikasturte amaiera arte Berton Bertokoa ekimenera atxikitako eskoletan “gutxienez astean behin bertoko eta sasoiko produktuak izatea”.

Bideo aurkezpena

Bestalde, Berton Bertokoa ekimenak ekoiztutako bideoklipa aurkeztuko da datorren eguenean Zaldibarko eskolan. Emanaldia arratsaldeko 18.00etan izango da.

La entrada Eskualdeko lau eskolatan sukaldea jartzea eskatu dio Hezkuntza sailari Berton Bertokoa ekimenak se publicó primero en durangon.com.