Muntsaratz auzoan dagoen aparkaleku arazoa eta ‘pump track’ zirkuituaren kokapena izango dira hizpide Abadiñoko EH Bilduk bultzatutako ‘Abadiño Mugi’ dinamikaren baitan, bihar egingo den bilera irekian. Saio presentziala arratsaldeko 18:15ean hasiko da aterpean (estalitako jolas-parkearen ondoan) eta bilera telematikoa https://bbb.ehbildu.eus/b/end-y9z-e2a helbidean jarraituko ahal izango da 20:00etan hasita.

Aparkaleku eskasia “gero eta larriagoa bilakatzen ari da, Muntsaratzeko biztanleriak gora egin duen heinean”,  talde subiranistaren zinegotzien esanetan. Gaur egungo arazoari irtenbide bat emateko helburuarekin “moldaketa batzuk eginez, plaza gehiago sortzeko proposamen bat landu dugu”.

Bileran bigarren gai bat ere landuko dute bileran, “udal talde guztiok gure programan aurkeztu genuen ‘pump track’ zirkuituarena” hain zuzen. Ekitaldian, skateboardekin edo bizikletekin erabiltzeko zirkuituaren kokapenari buruz hitz egingo dute “aukera desberdinak aztertuz”.

‘Abadiño Mugi’ dinamikaren helburua “Udal gobernuaren gabeziak” gainditu eta “herritarrekin elkarlanean, Abadiñon segurtasuna, irisgarritasuna eta auzoen bizitasuna bermatuko dituen mugikortasun plan bat” garatzea da.

La entrada Muntsaratzeko aparkalekuei buruzko arazoa aztertuko dute bihar egingo den bileran se publicó primero en durangon.com.

Bidegain kalearen hasieran eta amaieran aparkalekuak alde bakarrean kokatu dira eta erdigunean alde bietan.

Berrizko Udalak Bidegain kaleko berrurbanizazio lanak burutu berri ditu, detaile gutxi batzuren faltan. Egindako hobekuntzak aparkalekuen berrantolaketa, espaloiak zabaltzea eta zebra-bideak jartzea ahalbidetzeaz gain, aldez aurretik gauzatutako Iturritza-Bidegain faseari jarraipena eman diote.

Berrurbanizaio lanen bidez kalea egokitu egin da oinezkoen irisgarritasuna eta ibilgailuen zirkulazio segurua kontuan hartuz. Horretarako, inguruan zegoen berdegune pribatua ezabatu egin da, 1, 3, 5 eta 7 komunitateek hala eskatuta, espaloiak zabaldu dira eta bideak zabalera nahikoa hartu du ibilgailuentzako.

Egindako lanekin, aparkalekuak alde bietara egongo dira Bidegain kalearen erdigunean eta, hasieran eta bukaerako tartean berriz, alde bakarrean. Horrez gain, garajeetako sarrera-irteera, lurpeko edukiontzietarako bidea eta arkuperako loturak ere hobetu dira zebra-bide altu bat jarriz eta espaloia altxatuz.

Bidearen bukaeran gainera, zebra-bide bi kokatu dira; bata altua eta bestea, bukaeran, baxua abiadura moteltzeko eta Matza kaleko loturan biraketa hobetzeko helburuarekin. Bestalde, azken tarte horretan, espaloiaren zabalera berriak igogailuak instalatzeko aukera ahalbidetu die komunitateei.

Berrizko Udalak 205.158,72 euro inbertitu ditu lanak burutzeko eta kopuru hori osotzeko 44.915,33 euroko diru-laguntza eman du Bizkaiko Foru Aldundiak.

La entrada Berrizko Udalak amaitu du Bidegain kaleko berrurbanizazioa se publicó primero en durangon.com.