Maisu-maistren etxea zegoen orubean argazkia egin dute eraitsitako eraikinean egiten ziren ekimenak gogoratzeko.

Atxondoko AHTaren kontrako mugimenduak manifestazioa deitu du datorren domekarako herrian egiten ari diren garraiobide horren obrak arbuiatzeko. Ekitaldia Apatamonasterioko plazatik abiatuko da 12:30ean eta osasun larrialdia kontuan hartuta “segurtasun neurri guztiekin” egingo da.

Ekitaldiarekin, gainera, maisu-maistren etxearen eraispena salatu nahi dute. Pasa den astean botatako eraikin horretan pandero, triki, dantza eta bestelako ekitaldiak egiten zirela gogoratu dute. Eraikina “euri egunetan aterpe eta uda giroan Harrera Taldearen aterpe” gogoratuz.

Izan ere, maiatzaren 12an “gure oroitzapenak batzen zituen etxea” bota egin zuten, eraispen horren helburua “herri honetan nahi ez dugun munstro bat” egitea dela.

Izan ere “ez dugu AHTrik nahi, ez dugu gure herrian hormigoizko munstrorik nahi, gure berdeguneak, ametsak eta oroitzapenak apurtuko dituenik”, Atxondok “aspaldi esan zuen ez zuela AHTrik nahi” ere gogoratzen dute.

Manifestazioaren harira zabaldutako manifestu bat egin dute, “hainbat pertsona, talde, mugimendu, sindikatu eta plataforma” sinatuta, idatzi horrekin “AHTko lanak eta proiektuak bertan behera” uztea eskatzen dutela.

Deialdia sinatzen duten eragileek “egungo trenbideak hobetzeko eta diru guztia osasunarentzat, zerbitzu sozialentzat, pentsioentzat, hezkuntzarentzat, diru-sarrerarik gabeko pertsonentzat, elikadura burujabetzarentzat, trantsizio ekologikoarentzat, tokiko ekoizleentzat, ikerkuntzarentzat, kulturarentzat, autonomoei, saltoki txikiei eta ostalaritzari laguntzentzat, kirolarentzat…” bideratzea ere eskatzen dute.

Manifestuari atxikimendua emateko esteka honen bidez egin daiteke.

La entrada Atxondon egiten ari diren AHTaren lanen kontrako manifestazio deitu dute domekarako se publicó primero en durangon.com.