Atxondoko AHTren aurkako asanbladak mendi martxa eta bertso bazkaria antolatu ditu zapaturako. Apatamonasterio inguruetatik egingo den ibilbidearekin tren azpiegiturak eragingo dituen kalteen berri emango da.

Goizeko 10:00etan abiatuko den mendi martxarekin AHTaren ibilbideak zeharkatuko dituen parajeak zein tren egitasmoaren inguruko hainbat datu ezagutzeko aukera egongo da. Ibilbidean zehar azalpen teknikoak emango dira eta mendi martxa Apatamonasterioko Maisu etxean amaitutzat emango da. Antolatzaileek gogoratu dute eraikin hori apurtu egingo dela AHTaren lanen ondorioz.

Ibilaldia amaitu ondoren, eskualdeko bertsolarien partaidetza izango duen bazkaria egongo da frontoian. Bazkarirako tiketak Atxondoko Taberna Txikin eta Amillenan, Abadiñoko Abarketeruenan, Elorrioko Portalekuan eta Durangoko Intxaurren salduko dira gaur arte, 10 euroren truke.

La entrada Mendi martxa eta bertso bazkaria egingo dute zapatuan Atxondon AHTren kontra se publicó primero en durangon.com.