Mañariko Udalak kirolgunearen energia-eraginkortasuna hobetu du isolamendu lanekin

Mañariko Udalak amaitu ditu kirolgunearen energia-eraginkortasuna handitzeko eta erabiltzaileen erosotasuna hobetzeko isolamendu lanak. Fitness eta muskulazio geletan egindako jarduketaren bidez, eraikinaren isolamendua indartu da, bero-galerak murriztu eta barruko tenperatura hobeto mantentzeko.

Lanen barruan, hormetan isolamendua jarri da eta aireztapeneko saretak estali dira. Esku-hartze horri esker, beroaren galera nabarmen murriztuko da, eta instalazioek tenperatura egonkorragoa izango dute urte osoan. Horrek erabiltzaileen erosotasuna hobetzeaz gain, energia-kontsumoa murrizten ere lagunduko du.

Jarduketa hau iaz kirolgunean egindako beste hobekuntza baten jarraipena da. Orduan, bero-berreskuragailu bat instalatu zen instalazioetako tenperatura eraginkortasunez erregulatzeko. Orain amaitutako isolamendu lanekin, sistema hori osatu eta instalazioaren eraginkortasun energetikoa are gehiago hobetu da.

Horrez gain, kirolguneko sarrerako ateetako heldulekuak berritu dira, ordutegia amaitzean ateak automatikoki ixteko sistema batekin. Hobekuntza horrek instalazioen segurtasuna indartu eta gauez behar bezala itxita geratzen direla bermatzen du.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.