Kulunkan egistasmoak nerabe eta gazteen heziketa integrala bultzatuko du

Hezkuntza eta aisialdi hezitzaile eta euskaldunaren alde lan egiten duten hainbat eragile elkartu dira Kulunkan egitasmoa martxan jartzeko asmoz. Aurkezpenan azaldu dutenez, egitasmoaren helburua, “pertsonaren gaitasunak garatzea eta balioetan heztea da”. Esperientzia pilotua gabonetan burutuko da Durangon.

Horretarako, nahiz eta oraindik zehatzu barik egon, hiru gune banatzea aurreikusten dute bultzatzaileek, haur eta familiak batetik, nerabe eta gazteak bestetik eta gurasoak azkenik. Gune bakoitzean, berriz, egitarau ezberdinak proposatuko dira: euskara eta aisialdi euskalduna, kulturartekotasuna, aukera berdintasuna, hezkidetza, lankidetza, elkartasuna, gatazken konponbidea, ingurumena eta jasangarritasuna besteak beste.

Euskadiko Gazteriaren Kontzeiluaren laguntzarekin saretzen hasi zen proiektua iazko apirilean, eta harrezkero hainbat elkarte hurbildu dira bertara, hauen artean Durangaldeko Berbaro Elkartea, Zapaburu Konpartsa, Zeozer Gizarte Elkartea, Geu Be eta Kimuak, hain zuzen ere.

“Hutsuneak” betetzeko

“Ume, nerabe eta gazteentzat zuzendutako industria kulturaletik bultzatzen den astialdi eredua joera kontsumista eta parte hartze pasiboan galdurik dagoela uste dugu”, azaldu du Urtzi Ugaldek Euskadiko Gazteriaren Kontseilutik egitasmoaren aurkezpenean.
Izan ere, egoera honek uzten dituen “hutsuneak” betetzeko helburuarekin  esperietzia pilotu hau martxan jarri nahi dute gabonetarako.

Horretarako, Durangon bi egunetan burutuko da aisialdi ekimena izango da.  “Haur, nerabe, gazte eta gurasoei zuzendutakoa, familiak unitate bat bezala hartuz, proiektuaren parte sentitu eta erabaki garratzitsuenen subjetu izan daitezen”, azaldu du Ugaldek.