Banner en desktop Banner en moviles
Durangoko Udala
Gure Psikologia Durango
Maristak Durango
Mondragon-Unibertsitatea
BIDEOA | DURANGOKO AZOKA

Jendetza ugaritasunaren lurraldean

Jendetsu eta giro onarekin hasi da goizeko 10:30ean 52. Durangoko Azoka. Euskal Herriko bazter guztietatik gerturatutako milaka euskaltzale gerturatu da lehen ordutik Landako Gunera, kanpoaldeko hotza uxatzeko eta barruko ‘lurralde’ oparoaz gozatzeko helburuarekin.

Ireki eta berehala ibili da jendea hara eta hona erosketa poltsekin, erakustazokan jarritako postuetan salgai zer dagoen ikusteko ia denborarik izan gabe. Susmo ona hartuko zioten honezkero bertaratu diren ekoizle, saltzaile eta sortzaileek.

Jende ugariren artean egin da eguerdian ‘Hasieraren hazia’ sarrera ekitaldia. Areto Nagusia lepo bete da gerturatutako agintarien eta antolatzaileen hitzak entzuteko eta Yolanda Arrieta idazleak eta L’Atelier dantza eskolako Garazik eta Anek tartekatutako saioak jarraitzeko.

Durango prest dagoela “bizi izango dugunarekin gozatzeko” adierazi ondoren, hiriko alkatea den Aitziber Irigorasek “Sormenaren lurraldea haratago zabaltzea irudikatu nahi ditut gaur eta hemen”. Eginbehar horretan  bide berriak bilatzeko beharra azpimarratu du, “enpresa txiki eta ertainetan; gure kooperatibetan, sindikatuetan eta lan munduan […] eta behar izan berriei erantzun zuzena emateko premia berriztatzailea hainbat eta hainbat arlotan”.

Kulturaren transmisioa

Azokak kulturaren transmisioan izan duen garrantzia nabarmendu du bere hizketaldian Lorea Bilbaok, Bizkaiko Foru Aldundiko euskara eta kultura diputatuak. “Euskara eta sormenaren plaza” den ekimenak “kultura bizi-bizi hasten doala” erakutsiko du Bilbaoren esanetan, baina horretarako “gure kulturak indar ekonomikoa” behar duela gogoratu die gerturatzen direnei bertan dagoena erostera animatu aurretik.

Euskara eta euskal hiztunen komunitatea izan ditu hizpide Bingen Zupiriak, Eusko Jaurlaritzako Kultura sailburuak. Euskarari eman behar zaion bultzada handia emateko ahaleginean sektore guztiak behar direla adierazi ostean, “euskarak gauza asko beharko ditu hizkuntza erakargarriagoa eta erabiliagoa izateko” aipatu zuen,”besteak beste, eduki erakargarriak”.

“Gaurtik hasita sormenaren lurraldeko herritar” garela adierazi ostean, Azokaren lurraldea eraikitzeko beharrezkoak diren bost elementuak azpimarratu ditu Nerea Mujikak, Gerediaga Elkarteko lehendakariak: “Sortzaileak, hartzaileak, azpiegiturak, sare kultural sendo bat eta kultur politikak” zenbatu ditu, guztiak direlako “nahikoak eta ezinbestekoak aldi berean”.

Horrez gain, “abangoardia eta tradizioa nahasten diren tokia, komertziala eta apurtzailea elkartzen diren espazioa” dela aipatu ondoren “Azoka merkatua da” gogoratu zuen Mujikak.

 

1 Estrella2 Estrellas3 Estrellas4 Estrellas5 Estrellas (Sin valoración)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados