San Agustin Kultur Gunea Durango
Azoka Idiomas Durango
Maristak Durango
Berrizko Udala

Abadiñok Zinema Ikusezinaren Nazioarteko 18. Jaialdia hartuko du urriaren 9an eta 16an

Abadiñok bat egingo du aurten ere Bilboko Zinema Ikusezinaren Nazioarteko 18. Jaialdiarekin. Jaialdiaren baitan, bi zinema saio eskainiko dira urriaren 9an eta 16an, ostiraletan, 19:00etan, Matienako Errota Kultur Etxean.

Ekimenaren helburua da ohiko zinema zirkuitu komertzialetan leku gutxiago izaten duten errealitate, begirada eta istorioak herritarrengana hurbiltzea. Horretarako, askotariko jatorri eta ikuspegiak biltzen dituzten lanak eskainiko dira, besteak beste giza eskubideak, genero ekitatea, jasangarritasuna eta kulturartekotasuna hizpide hartuta.

Lehenengo emanaldia urriaren 9an, ostirala, 19:00etan izango da Errota Kultur Etxean. Egun horretan zazpi lan eskainiko dira: Reconnect, Ya Hanouni, La Liga, Orain zer?, Una bombilla en California, Bizigarritasuna. Lo que sostiene la vida eta Facdere.

Lehen saioak, gainera, Itxaso Díaz eta Alazne Intxausperen parte hartzea izango du. Díaz Bizigarritasuna. Lo que sostiene la vida dokumentalaren zuzendaria da, eta Intxauspe, berriz, bertako protagonistetako bat.

Dokumentalak Maite Aristegi Larrañaga, Alazne Intxauspe Elola eta Amets Ladislao Gonzalez hiru emakume baserritarren esperientziak eta jakintzak jasotzen ditu. Haien lekukotzetatik abiatuta, zaintzen, agroekologiaren eta bizitza posible egiten duen hori babestearen garrantziaren inguruko hausnarketa proposatzen du. Lurrari, komunitateari eta esperantzari buruzko lana da.

Itxaso Díaz eta Alazne Intxauspe Errota Kultur Etxean egoteak aukera emango du filmaren atzean dagoen lana eta dokumentalak planteatzen dituen gaiak bertatik bertara ezagutzeko, proiekzioari balio erantsia emanez.

Lehen saioan euskal ekoizpenak presentzia nabarmena izango du. Bizigarritasuna lanarekin batera, Ainhoa Urgoitia Santamaríaren Orain zer? dokumentala ere eskainiko da. Lan horrek emakumeen gorputzaren eraikuntza sozialaren inguruko hausnarketa proposatzen du.

Urriaren 16an

Bigarren emanaldia urriaren 16an, ostirala, 19:00etan egingo da, hau ere Errota Kultur Etxean. Saio horretan bost lan izango dira ikusgai: Homing, La Première Marche, No sabían que éramos semilla, As aventuras do Angosat eta De la resistencia al poder.

Bigarren saioan kulturartekotasunak eta giza eskubideek protagonismo berezia izango dute, eta migrazioa, identitatea, justiziaren bilaketa edo kolonialismoaren ondorioak bezalako errealitate sozialetara gerturatzeko aukera eskainiko da. Europatik, Latinoamerikatik eta Afrikatik datozen istorio eta ikuspegiak bilduko ditu programazioak.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

Artículos Relacionados