Zezenak dira?

Ze ederto ibili garen jaietan eguraldi ezin hobeari esker! Zenbat disfrutatu dugun! Hainbat eta hainbat ekitaldi atsegin baina, Durangoko kaletarrek ganadu kontuan erabiltzen duten, eta urtero deigarria iruditu zaidan, lexikoa aipatu gura dut.

Kazetariek zein jai antolatzailek honelakoak erabiltzen dituzte maiz: Los Zezenak Dira. Las Zezenak Dira. Badatoz Zezenak dira Durango Uriko Alde Zaharreko kaleetara. edota, Una Zezenak Dira muy accidentada. Gazteleraz ostera, ???vaquillas??? berba ere erabiltzen dute, ???cinco jornadas de Zezenak Dira. Las vaquillas??????

Zertan geratzen gara? Zezenak ala vaquillak dira Durangon ibiltzen direnak?

Egia esan, zezenak zein bigantxak edo larrabehiak izan, ez dira nire gustukoak. Julenek bere zutabean aipatu zuen lez gizonen jaia da gehien bat. Gizonkeria adierazteko antolatutakoa iruditu zait beti. Gainera, animalia jolaserako erabiltzen da. Nik gurago ganaduok larrean ikusi, belarra jaten edo etzanda, euren lekuan, kalean sokatik tiraka baino.

Bestalde, aipagarria da bigantxok ez dituztela musutruk ekartzen gure hurira. Jaso ditudan datuak benetakoak badira hauxe da aurrekontua:

ZEZENAK DIRA: 16.522,91 ??? (2.752.803 pezeta)

• Bigantxak 9.213,00 ???

• Asegurua Helduentzako sokamuturrak – RC 1.220,45 ???

• Istripuentzako Asegurua Helduentzako sok. 1.102,42 ???

• Albaitaria 810,00 ???

• Dultzaineroak 1.500,00 ???

• Eskularruak 89,15 ???

• Hiru soga 311,52 ???

• Kamisetak eta sudaderak 536,39 ???

• Gurutz Gorriko asistentzia 1.739,98 ???

Diru hori ekitaldi kulturaletan gastatuko balitz, edota, diru horrekin berdintasuna lantzeko tailerrak antolatuko balira, beste kuku batek joko liguke, esate baterako, agian pregoilari txikiak be ???durangueses??? esateaz gain ???duranguesas??? be esango luke.

Kontuak kontu, penaz esan behar izan diogu agur Patxikotxuri txaranga musikaz eta txapligu-hotsez. Datorren urtean berriro etorri den itxaropena geratzen zaigu.

Marisa Barrena psikopedagogoa da