Yolanda Arrietaren hitzaldiarekin hasiko da gaur 2020ko Hitzez eta Ahotsez literatura ekimena

DurangoHitzezEtaAHotsez2020-Maitasuna‘Maitasuna’ izango da hizpide zazpigarren Hitzez eta Ahotsez ekimenean eta, ohikoa denez, maiatzean izango den jendaurreko irakurraldiaz gain solasaldi dialogikoak eta bestelako ekitaldiak eskainiko ditu. Aurten, antzerki emanaldia eta ipuin kontaketa ere prestatu dituzte.

Hitzaldi batekin hasiko dira aurtengo ekimenak eta, edizio honetan, Yolanda Arrieta idazleak emango duen ‘Hamaika letra maitasunari’ solasaldiarekin abiatuko da egitaraua. Estreinako ekitaldia gaur izango da, arratsaldeko 19:00etan, Durangoko Arte eta Historia Museoan.

Aurten solasaldi dialogiko bakarra egongo da, otsailaren 18an hain zuzen, eta 17:00etatik 19:00etara Udal Euskaltegiaren eraikinean dagoen Berbagunean burutuko da ekitaldia. Saioa bi zatitan banatuko da; lehenengoan, Miren Agur Meaberen ‘Hezurren erretura’ liburuan bildutako bizpahiru narrazio izango dira hizpide, eta bigarrenean, idazleak berak hartuko du parte solasaldian.

‘Rita’ antzezlana

Ekitaldi bi prestatu dituzte apirilerako. Lehenengo saioa apirilaren 2an izango da San Agustin Kultur Gunean eta agertokian azalduko diren Aitziber Garmendia eta Joseba Apaolaza antzezleak ‘Rita’ ikuskizuna jarriko dute ikusgai. 24an berriz, Mireia Delgado ipuin kontalariak ekitaldia eskainiko du Bizenta Mogel Bibliotekan.

2020ko Hitzez eta Ahotsez ekimeneko egitaraua maiatzaren 8an Plateruena Kafe Antzokian egingo den jendaurreko irakurraldiarekin amaituko da. Egun horretarako prestatutako egitaraua 14:30ean hasiko da bazkari herrikoiarekin eta 17:00etatik gauerdira arte dozenaka literaturazale erakarriko dituen irakurraldia burutuko da.

Ekimenaren antolatzaileek ‘Maitasuna’ gaia aukeratu badute aurtengorako, aurreko sei edizioetan egile edo bestelako mintzagaiak landu dituzte: ‘Joseba Sarrionandia’ (2014), ‘Itsasoa’ (2015), ‘Durangaldeko idazleak’ (2016), ‘Bidaia’ (2017), ‘Lurra’ (2018) eta ‘Askatasuna’ (2019), hain zuzen.

Durangon Whatsapp
1 Estrella2 Estrellas3 Estrellas4 Estrellas5 Estrellas (Sin valoración)
Cargando…

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar