Xabier Hernandezek irabazi du Santiago Onaindia Ikerketa Beka

AmorebietaSantiagoOnaindiaIkerketaBekaXabier Hernandez Llonak aurkeztutako ‘Literaturaren didaktikaren erronkak XXI. mendeko bigarren hezkuntzan’ deituriko proiektuak irabazi du XVI. Santiago Onaindia Ikerketa Beka. Irabazleak 12.000 euroko dirulaguntza izango du eta egitasmoa 2021eko udaberrirako eginda  izan behar du.

Irabazleak aurkeztutako proiektuaren bokazioa literaturaren didaktikan diharduten eragile desberdinen artean adostutako bidea zedarritzea litzateke, etorkizunean literaturak  gaztearen garapen emozional-afektibo zein kognitiboan modu positiboan eragiteko.

XVI. edizio honetan bost proiektu aurkeztu dira. Lan hauek epaimahai batek aztertu ditu, hain zuzen ere Ametx erakunde autonomoko presidenteak eta euskal literaturaren alorreko hiru adituk.

XV. edizioko liburua

Bekaren helburua euskal literaturaren alorrean ikerketa sustatzea da, eta bidez batez, Santiago Onaindia euskal idazleari omenaldi bat egitea. Ekimena Amorebieta-Etxanoko Udalak Ametx erakunde autonomoaren bidez urte birik behin gauzatzen da eta bekak Labayru Institutuaren laguntza jasotzen du.

Gaur egindako ekitaldian bekaren XV. edizioko irabazleak izan ziren Lourdes Otaegi eta Garazi Otsagabiaren liburua aurkeztu da. ‘Beste gerrako kronikak. Bikote harremanak eta indarkeria Ramon Saizarbitoriaren eleberrigintzan” izenburuarekin aurkeztutako liburua Labayru Fundazioak argitaratu du. “Egileek lan honetan arreta berezia eman diote Saizarbitoriaren eleberrietan pertsonaia maskulino eta femeninoen arteko harremanetan iradokitzen diren mezuen zentzuari”, Amorebieta-Etxanoko arduradunek adierazi dutenez.

Durangon Whatsapp
1 Estrella2 Estrellas3 Estrellas4 Estrellas5 Estrellas (Sin valoración)
Cargando…

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar