Turkiako taldea gonbidatu du Kriskitinek Nazioarteko Folklore Jaialdirako

Turkiako Gökmeydan taldea gonbidatu du Kriskitin Dantza Taldeak Durangoko XIII. Nazioarteko Folklore Jaialdian emanaldia eskaintzera. Uda Kalean Bizi egitarauaren barruan kokatzen da eta bihar 22.00etatik aurrera izango dira taldeak Andra Mariako elizpean.

Jaialdiko egitarauan Euskal Herriko hainbat lekutako dantzak eskainiko ditu Kriskitinek. Dantzari turkiarrek, berriz, euren herrialdeko folklorearen erakustaldia egingo dute.

Gökmeydanı elkartea 2004n sortu zuten. Helburua du gazteak euren herrialdeko kulturan eta ohituretan heztea.
Eskaintza-sortan beren eskualdetako dantzak eskaintzen dituzte: Bitlis, Diyarbakır, Artvin, Kilis, İzmir, Skopje, Adıyaman, Urfa eta Trabzon-ekoak.

Arrakasta Segovian

Urtero hartzen dute parte Turkian antolatzen diren lehiaketetan, eta talderik arrakastatsuenetakoa da egiten duen lanari esker.
Atzerrian parte hartu dutenetan ere aipamen on ugari lortu dute; azkenaldian, iaz, Grezian, Mazedonian eta Polonian.

Kriskitinek, ordea, 25 urte bete zituen iaz eta oraintsu  Segoviako nazioarteko jaialdian parte hartu dute arrakasta handiz baita Otxandioko jaietan ere.

Taldetik aurerratu dutenez, Siziliatik heldu berri zaien gonbidapen bati ezetza eman behar izan diote tamalez, diru eskasiagatik  eta dantzarien lan agendagatik.

DURANGON. Durangoko albisteak