AHTrentzat Solatxon egin nahi den betelana bertan behera uzteko eskatu du Atxondoko Udalak

AHT Gelditu! Elkarlanak Atxondorako egindako fotomuntaketa. — AHT Gelditu! Elkarlanak Atxondoko trazaketari buruz egindako fotomuntaketa.

Abiadura Handiko Trenaren egitasmoa geldiarazteko edo proiektua gauzatzeko ahalik eta gehien atzeratzeko ahaleginetan jarraitzen du Atxondoko Udalak, azpiegitura horrek bailaran izango duen eragina saihesteko helburuarekin.

Orain, Solatxo deituriko inguruan egin nahi den betelana “bertan behera uzteko” eskatuko dio Udalak Eusko Jaurlaritzari. Elorrioko mugatik gertu dagoen eremuan jarri nahi den 400.000 metro kubikoko lurren eta harrien isurtegiaren proiektuarentzat “ez da zundaketa bakar bat ere egin”, David Cobos alkatearen esanetan.

Betelanak ez du kokapen egokia konfigurazio aldetik, proiektua gauzatzeko “ezin delako edozein toki kaltetu eta inguru horretan haritzak daude”, Cobosn arabera. Egitasmoak, gainera, “hiru akats nabarmen ditu”.

Egin nahi den betelanaren egitasmoaren inguruko lehen akatsa beharrezko txosnei dagokio. Cobosen arabera, “URA-Uraren Euskal Agentzia eta Eusko Jaurlaritzako Ingurumen saileko biodibetsitateari buruzko txostenak beharrezkoak dira” eta dokumentu horiek ez dituztela aurkeztu adierazi zuen.

AHTren egitasmoak Solatxo inguruan egingo duen bigarren akatsa Ingurumen Inpaktuaren Adierazpenari dagokio. “Txosten hori orain dela 16 urte egin zen eta bere balioa bost urterako mugatuta zegoen. 20 orriko txosten hori AHT osoari eta hasierako proiektuari lotuta zegoen”, nahiz eta gaur egun garatzen ari den proiektuak aldaketa nabarmenak dituen Cobosen arabera.

Atxondoko Udalak salatutako hirugarren irregulartasuna formazko akatsa da. ADIFek sei hilabeteko epea zuen betelana egiteko behar den dokumentazioa aurkezteko, baina “ez zuten ezer aurkeztu”, alkatearen arabera. Epeak gaindutu ondoren beste hiru hiru luzapen eskatu dituzte eta gainera “udaletxean ez dute inolako baimenik eskatu”.

Solatxoko proiektua geldiarazteko erabakia udaletxean egindako Batzorde Orokorrean hartu zuten EH Bilduren botoekin, EAJko zinegotziek proposamenaren kontrako hautua egin zutelako, eta ondorioz, AHTren egitasmoaren alde.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.