Sei talde lehiatuko dira bihar III. Lutaber Fest ekimenean

the-dirty-road-band
The Dirty Road Band

Zornotzako Luis Urrengoetxea kalean eta inguruetan dauden 11 tabernak batzen dituen Lutaber elkarteak III. Lutaber Fest lehiaketa prestatu du biharko. Ekimenerako egokituko diren hiru gune desberdinetan sei talderen musika ekitaldiak egongo dira, Eztandap eta The Dirty Road Band zornotzarrak tarteko.

Antolatzaileak prestatutako egitaraua arratsaldeko 18:00etan hasiko da eta 22:00etan abiatuko den kon­tzertuarekin amaituko da, talde bakoitzak bi agertokitan joko duela. I. gunea kallejoian egongo da, II. gunea Guria tabernaren aurrealdean eta III. gunea Vintage tabernaren inguruan.

Prestatutako egitaraua bi talde zornotzarren saioekin hasiko da 18:30ean, Eztandap-ek eta The Dirty Road Bandek I. eta III. guneetan joko baitute. 19:15ean Etxekalte bermeotarrak eta Belatz gernikarrak joko dute gune horietan eta 20:00etan Illenti, Eztandap eta Voltium izango dira I., II. eta III. guneetan, hurrenez hurren.

20:45ean The Dirty Road Band eta Belatz izango dira I. eta II. guneetan; 21:30ean Voltium eta Etxekalte arituko dira II. eta III. guneetan eta egitaraua osotzeko Illentik joko du II. gunean 22:00etan.

Ekimena taldeen arteko lehiaketa da eta parte hartuko duten sei taldeak antolatzaileek emango duten 350 euroko saria irabazteko aukera izango dute.

Kaleko jaia azaroan

Bestalde, Tomasa, Antxeta, Pike, Urtza, Hitzak, Belatxikieta, Auzokoa, Leku Berri, Guria, Far-Far eta Vintage tabernak osatzen duten Lutaber elkarteak, gune horretako jaia ospatuko dute azaroaren 9an.

Egun horretarako prestatutako egitarauan Josetxu Piperrak & The Riber Rock Band taldeak zein The Bon Scott Band – AC/DC Tribute Band-ek gaueko 21:30etatik aurrera Zelaieta parkean eskainiko dituzten kontzertuak nabarmenduko dira.

Durangon Whatsapp
1 Estrella2 Estrellas3 Estrellas4 Estrellas5 Estrellas (Sin valoración)
Cargando…

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar