Santiago Yanizen ‘Bizkaia Izadi sublimea’ erakusketa ikusgai Zornotzako Zelaieta zentroan

SantiagoYanizAmorebieta-Etxanoko Zelaieta zentroak Santiago Yaniz argazkilari bilbotarraren ‘Bizkaia Izadi sublimea’ erakusketa hartuko du maiatzaren 3ra arte. Ikusgai jarritako bildumak bost lekutako argazkiak erakusten ditu: San Juan de Gaztelugatxeko ingurua; Otxarretako basoak, Gorbeiako natura parkea; Getxo eta Barrika udalerrien arteko kostaldea; Urkiola Parkea eta Belaustegiko ur jauziak.

Yaniz 1980an hasi zen argazkigintza eta kazetaritza lanetan eta betidanik izan du argazkilaritzarako grina izugarria. Bere erretratuetan Euskal Herriko paisaiak, mendiak eta natura jaso ditu eta aldizkari eta liburu askotan argitaratzeaz gain ehunka egile-lan eta erreportaje ilustratu ditu.

Ibiltari eta bidaiari nekaezin honek, mendia eta paisaia naturalaren irudia izan du espezialitate gogokoenetako bat. Gainera, bere lan profesionalaren kokapen nagusia dela eta, Bizkaiko eta Euskal Herri osoko txoko eta bazter guztiak ezagutu ahal izan ditu, eta haiek miresteko argirik eta unerik egokienak ere bai.  Bere artxiboan 500.000 irudituk gora bildu ditu.

Ikus-entzunezkoa eta hitzaldia

Estilo soileko argazkilaria denez, nahiago izaten du artefaktu teknikoak saihestu, eta, gehienbat, lurra ikertu, argiak kudeatu, eta meteorologiak eskaintzen dizkion une iragankorrei ahalik eta etekinik handiena atera, giro iradokitzaileak lortzeko.

‘Bizkaia Izadi sublimea’ erakusketa Bizkaiko Foru Aldundiaren erakusketa ibiltarien programaren parte da. Argazkiekin batera ‘Euskal Herria ahaztezina / Euskal Herria inolvidable’ ikus-entzunezkoa ere ikusgai egongo da eta ondoren, hitzaldi bat egongo da bihar, hilak 4an, iluntzeko 19.00etan hasita.

Durangon Whatsapp
1 Estrella2 Estrellas3 Estrellas4 Estrellas5 Estrellas (Sin valoración)
Cargando…

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar