Zuhaitzak vs zementua

Londresen 80.000 zuhaitz landatu dituzte abenduaren lehen asteburuan. Landaketa historikoa burutu nahi izan dute. Zuhaitzik gehienak, 75.000,  lurzoru publikoan landatu dira. Gainontzeko 5.000 zuhaitzak norbanakoen ortu edo lorategietan.

Aurretiaz izena emandako 15.000 bat boluntariok hartu du parte landaketan, herritarrak hiri berdearen eraikuntzaren partaide sentitzea izan da borondatezkoak lanera bultzatzearen helburua. Landaketaz gain, 30 bat jarduera antolatu dituzte hiri berdeago bat egin nahi duten londrestarrei gogoetarako eta ekimenerako aukera emateko.

Ingalaterrako hiriburuko udal gobernuak 12 milioi libra erabili ditu zuhaitzak eta berde guneak egokitzeko. Inbertsioa izan dela diote, zeren eta sortuko dituzten onurak handiak izango omen dira, paisai eder eta berdeaz haratago, kutsadura murrizteko era eraginkorra izango baita eta airearen kalitatea hobetzen lagunduko baitute zuhaitzok.

Londresen ere txakurrak ortozik ibiliko diren arren, eredugarria iruditzen zait ingurumena zaintzeko bide hau. Izan ere, alferrik gabiltza inon direnak eta ez direnak asmatzen hurbilen dugun natura zaintzeko kapaz ez bagara; gure lurra zaintzeko gai ez bagara.

Berri honekin ia batera Durangoko Udalak Erabaki plataformaren eskabideari muzin egiteko erabili dituen argudioak irakurri ditut. Argudio ilun eta arinak. 8 miliotik gorako biztanle kopurua duen hiriburua zuhaitzak landatzen. Gurean ostera, herritar askoren guraria entzun barik, zenbait herri agintari herriaren erdian dugun orue ederra zementuz eta etxe erraldoiz betetzeko prest.

Durangoko egoera honek Xabier Amurizaren poema bat dakarkit gogora:

                           Oker goaz aurrera
                           gure lurra hiltzera,
                           biziaren sorrera
                           ez igorri lurpera.
                          Ez ehortzi gure lurra
                          gu baikara lurra bera.
                          Oker goaz aurrera
                          gure lurra hiltzera.

 

Durangon Whatsapp
Marisa Barrena

Marisa Barrena psikopedagogoa da

Artículos: 145
1 Estrella2 Estrellas3 Estrellas4 Estrellas5 Estrellas (1 votos, media: 5,00 sobre 5)
Cargando…

1 Comentario

  1. Avatar
    Txapas
    4
    0

    Topiko bat da lelo hori, zuhaitza vs zementua. Errealitate tristea beste bat da: zuhaitza vs jeltzaleentzako DIRUA.

    Deja una Respuesta

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar