Hozkailu solidarioa

Gaur goizean ogitan joan naizenean andra bat ikusi dot zaraman jateko bila. Gogorra iruditu zait. Zoritxarrez, ez da horretan ikusi dudan lehen aldia izan. Atoan, Galdakaoko ekimenaz gogoratu naiz. Hozkailu solidarioa etorri zait burura.

Durangon ere horrelako ekimen bat martxan jarriko bagenu? Agian, andra horren gosea eta beste askorena ere ekidingo genuke, pentsatu dut neure kautan.

Zer da hozkailu solidarioa? Zein da helburua?

Kalean kokatutako hozkailu bat da, elikagaiak han utzi eta bertatik hartzeko aukera ematen duena. Hozkailu honen helburua kontsumo egokiaren kontzientzia zabaltzea da, horrela, egoera onean dauden elikagaiak alferrik galdu ordez, behar dituzten pertsonen eskura jartzea.

Galdakao aintzindaria izan da ekimen hau martxan jartzen. 2015. urtean jarri zuen abian ekimena eta harrezkero 2. hozkailua ere jarri dute. “Euskadin erreferente den ekimen honek Galdakaoren alderdi solidarioan sakontzen du, eta gure ezaugarririk onenak erakusten ditu“, diote galdakoztar arduradunek.

Dagoeneko lau hozkailu solidario daude Euskal Herriko kaleetan; hiru Bizkaian eta bat Araban. Plentzian ere jartzekotan dira. Hozkailu solidarioa Galdakaotik kanpo ere zabaldu da; Toledon, Murtzian, Katalunian, Andaluzian eta Valentzian ere jarri dituzte hozkailuak kaleetan. Atzerrian berriz, Brasilen, Hawain, Polonian, Frantzian zein Ingalaterran.

Mundu mailan erreferente izaten ari den ekimen hau gure eskualdetik hurbil dago martxan, 29.351 biztanle dituen Galdakaon. Atomauko gara gure herrian/herrietan be hozkailu solidarioak jartzen? Zergatik ez.

Marisa Barrena psikopedagogoa da