Erduzie Gernikara

Astegoien honetan erduzie Gernikara. Goazen Ongi Etorri Errefuxiatuak Plataformak egin duen deialdira. Ekimen erreibindikatzailea eta hunkigarria  izango da.

Apirilaren 29an, oinez, trenez zein autobusez, Euskal Herri osotik joango gara Gernikara.  Bizkaitik ez eze, Araba, Gipuzkoa, Nafarroa eta Ipar Euskal Herritik ere iritsiko da jendea. Muxikan batuko gara elkarrekin Gernikara heltzeko.

Ekimen honen bidez, argi utzi nahi dugu ez diogula errefuxiatuen arazoari leporik emango. Ezin dugu gertatu zena ahaztu, ezta gertatzen ari dena ere. Egia esan, orain dela 80 urte, udaberri anker hartan, Gernikako sugarren goritasuna, hegazkinen astrapala eta etxekoen galera jasan zutenek nekez ahaztuko dute apiril hura.

Gure etxeko zenbaitzuk frentean ziren, gudari. Aitte Boni eta bere bi anaia bizirik itzuli ziren “batallón de trabajadores” edota “Frantziako konzentrazio-esparru”tik pasatu ondoren. Osaba Pedro ostera, ez zen inoiz itzuli. Luzaro egon ziren Boroako Biesko bere jaiotetxean haren zain baina, ez ez inoiz itzuli. Etxekoen agurrik gabe joan zen. Zenbait hilabetera heldu zitzaien notizia tristea. Apirilaren 29an hil zuten faxistek Mendatan.

Beste askok lez, gure familiak frentea ez eze, ebakuaziñoa be ezagutu zuen. Askotan entzun dut berba hori etxean, ebakuaziñoa. Ume txikiak hartuta joan ziren ahal izan zuten lekura. Hori bai, ateak zabalik aurkitu zituzten, hemen zein han. Ez ote gara gu, jarrera bera izateko gai?

Ahalegintzeko behintzat prest gaude. Guretzat hain egun berezia den apirilaren 29an, Ongi Etorri Errefuxiatuak Plataformak egindako deiari jarraituz, Gernikara joango gara, Pedroren lobak, ilobak zein birlobak, gure etxean ikasi dugulako gerraren horrorea, ebakuaziñoaren noraeza eta gerrostearen gosetea zein gogorrak diren.

Gainera, akorduen daukagu gure amomak esaten ziguna:  “Berriro ez daittela holakoak suerteu” “ez dagizuela gerrarik ezagutu”. Lagunok, erduzie zuek be Gernikara: “Gerrarik ez”  “Ongi etorri errefuxiatuak”  aldarrikatzera.

Durangon Whatsapp
Marisa Barrena

Marisa Barrena psikopedagogoa da

Artículos: 145
1 Estrella2 Estrellas3 Estrellas4 Estrellas5 Estrellas (1 votos, media: 5,00 sobre 5)
Cargando…

1 Comentario

  1. Avatar
    Napar68
    3
    0

    Bikaina Marisa,oso hunkigarria.Zure hitzak altxor txiki bat da gizakiarentzat.
    Esker mile bihotzez

    Deja una Respuesta

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar