Brujas, embruja

BRUJASen xarma eta edertasunaren entzuteak erakarrita Belgikako hiri hartara osteratxo bat egin dugu aurtengo udan. ???Brujas, embruja??? esaten dute eta, zalantza barik, hiriak badu liluratzeko edo sorgintzekorik, baina haren izenak ez dauka sorginekin inolako zerikusirik.
 
Noruegiera zaharretik datorkio “Bryggia” (zubiak, kaiak) izena Brujasi. Aipagarria da flandesera/nederlanderaz  «Brug» berbak  «puente» esanahia duela. Horrela bada hiri honek ???brug??? izena pluralez hartzen du bertan dauden zubi ugariak direla eta. Lizundiaren esanetan Zubieta izango litzateke Brujasen euskarazko izena.

117.0000 biztanle ditu Brujas gaur egun hiri honek. 2000. urtean Gizartearen Ondare izendatu zuen Unescok haren Alde Zaharra, bertan aurkitzen diren Erdi Aroko neogotiko tankerako hainbat eraikinen edertasuna dela eta. Bestalde, dituen zubi ugariengatik Iparraldeko Venezia ere esaten zaio. 2002 Europako Kultura Hiriburu izendatu zuten Salamancarekin batera.
 
Galtzada-harrizko kaleetan; denda, gozotegi, merkatu-txiki, zein zaldi-kotxeak aurki daitezke, hiriari erromantiko kutsua gehitzen dioten osagaiak alegia. gozoki dastatzeko eta erosketa aukera dago. Egia esan, badago zer ikusia eta ikasia Brujasen; eraikin, museo, zubi, txokolate, patata eta enparauez gain zarama bilketari buruzko azalpena ere eman zigun gidak. Arretaz jarraitu genituen azalpenaren nondik norakoak gurean hainbeste hauts eta plastiko beltz harrotu dituen gaia baita.
 
Urtean 3 milioi turistatik gora jasotzen dituen hirian atez ateko zarama bilketa zuzenean ikusteko aukera izan genuen. Arratsaldeko 6ak aldera erosketa kale nagusian ginen. Dendak ixteko ordua zen. Dendariak euren kartoi eta paperak ateratzen hasi ziren. Pilo galanta itxi zuten askok euren denda aurreetan, espaloian bertan, inongo zintzilikario barik.

Turistak hara hona zebiltzan kalea kartoiz eta plastikoz poltsez bete zen. Kartoia eta plastikoa biltzeko eguna zen. Adi geratu ginen kaleak hartu zuen itxurari so. Handik laster hasi ziren kamioak kaleetako zaramak biltzen. Ordu bete eta erdi inguru igarota kaleak lehengo itxura hartu zuen.

Hango herritar eta dendariek kartoiak, paperak eta inguruak kalera ateratzeko modua, hau da, tolestuta eta txukun, guk egiten dugunetik urrun dago, halere, 117.000 biztanleko turista hiri baten atez atekoa posible bada, gureak zergatik ez? Zergatik ez proba egin behintzat? Horixe izan zen nire gogoeta eta pentsamendua eta harrezkero ezin dut burutik kendu.

Marisa Barrena psikopedagogoa da