Friso
Friso
Friso
Friso

Baltza, beltza, baltzitu, beltztu

Baltz edo beltz geratu dira Nafarroako hainbat herri suteen ondorioz. Bihotza uzkurtu zaigu tristuraz. Begira geratu gara gure talaiatik. Suhiltzaileak joan dira bai, eta egin dute ahalegina suteak itzaltzeko. Kalteak kontaezinak direla diote. Soroak erreta, beltz, nekazariak beti azken, beti bazterrean. Gobernuko aulkietan nekez jezartzen dira nekazari eta baserritarrak, baina legeak han egiten dira aulki erosoetan. Nekazaritzaz ezagupen gutxi dutenek idazten dituzte sarri legeak, “Ez ikusi, ez ikasi”, eta horrela doa mundua.

Nafarroako nekazal turismoak ere ez ditu ordu onenak bizi. Erreserbak erortzen ari zaizkie egunetik egunera. Nor joango da ba orain hara? Entzun diot adiskide bati. Ez dut erantzuteko adorerik izan, berba barik geratu bainaiz. Oraintxe joan beharko genuke Nafarroara, agian. Ameslaria naiz beharbada. Ez dakit.

Baltz, beltz, dago Nafarroa. Destinu petrala dena galdu dutenek. 0tik hasi behar dutenek. Ikasi ote dugu zerbait? Zainduko ote dugu gure ingurua? Gure mendiak? Gure lurrak? Gure soroak? Joango ote gara Nafarroara, ipar, hego zein erdialdera? Oi Baldorba!

Baltz, beltz dago Melilla ingurua ere. 37 pertsona beltz hil dira gurera bidean, zauritu ugari, paradisura zetozelakoan galdu dute bizia, hobeto esanda, hil dituzte, murruen kontra. Irudiak ikusi eta filme batekoak dirudite, edota beste menderen batekoak, baina ez, orain eta hemendik ez hain urrun gertatu dira.

Hedabideetan inolako enpatia barik eman dute berria. Hitz gogorrak jaurti ditu Sanchez presidenteak, goraipatu egin du Marokoko polizia bere aparteko jardueragatik, “extraordinaria actuación” esan du eta “operación bien resuelta” gehitu du. Ikerketa edo giza bizitzak galtzeari buruzko aipamen txikienik ere ez. Harrezkero, Lurdes Iriondok abesten zuen kantua burutik kendu ezinda nabil.

Hitzak agintariarenak

hain hitz merkeak

ordaina garestian pagatuak.

Sententziazko hitzak, ikaragarriak…

Caminando Fronteras erakundearen arabera Berlingo harresian 140 pertsona hil ziren hogeita sei urtean. Melillan aldiz, egun bakar batean 37 hil dira gutxienez, Aznarrek altxatzeko agindu eta Zapaterok pintxoz hornitzea erabaki zuen hesi horretan.

2021ean, “hegoaldeko muga” deiturikoan, itsasoz eta lurrez, ia 2.000 lagun hil ziren. Espainiako migrazio-politikak, Europarekin itunduak, teologo batek “egiturazko genozidio” deiturikoak horren parte dira. Gizakiek hesiei “eraso” egin behar diete, hesiak daudelako.

Ez dezagun ahaztu. Hesi hori eraitsi eta gure harrera-politikak aldatzen ez diren bitartean, behin eta berriz baltzitu edo belztuko da itsaso urdina.

Marisa Barrena psikopedagogoa da

Artículos: 158
1 Estrella2 Estrellas3 Estrellas4 Estrellas5 Estrellas (5 votos, media: 3,40 sobre 5)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar